വ്യാ​ജ ഹ​ജ്ജ്​ കാ​മ്പ​യി​നു​ക​ളെ​യും സൈ​റ്റു​ക​ളെ​യും ക​രു​തി​യി​രി​ക്ക​ണം - ഹ​ജ്ജ് ഉം​റ മ​ന്ത്രാ​ല​യം

ജി​ദ്ദ: ഹ​ജ്ജി​ന്​ ആ​ഗ്ര​ഹി​ക്കു​ന്ന​വ​ർ വ്യാ​ജ ഹ​ജ്ജ്​ കാ​മ്പ​യി​നു​ക​ളി​ലും​ വെ​ബ്​​സൈ​റ്റു​ക​ളി​ലും ഇ​ര​യാ​കു​ന്ന​ത്​ ക​രു​തി​യി​രി​ക്ക​ണ​മെ​ന്ന്​ ഹ​ജ്ജ്​ ഉം​റ മ​ന്ത്രാ​ല​യ​ത്തി​ന്റെ മു​ന്ന​റി​യി​പ്പ്. മ​ന്ത്രാ​ല​യ​ത്തി​ന്റെ അം​ഗീ​കൃ​ത വെ​ബ്​​സൈ​റ്റി​ലൂ​ടെ​യും ആ​ഭ്യ​ന്ത​ര തീ​ർ​ഥാ​ട​ക​ർ​ക്കു​ള്ള ആ​പ്ലി​ക്കേ​ഷ​നാ​യ ‘നു​സ്​​കി’​ലൂ​ടെ​യും മാ​ത്ര​മെ ഇ​ട​പാ​ടു​ക​ൾ ന​ട​ത്താ​വൂ. അം​ഗീ​കൃ​ത ഔ​ദ്യോ​ഗി​ക സൈ​റ്റു​ക​ളെ ആ​ശ്ര​യിക്കു​ന്ന​ത് ഹ​ജ്ജ് ചെ​യ്യാ​നു​ള്ള അ​വ​സ​രം ഉ​റ​പ്പു​ന​ൽ​കും. ഇ​ത് യാ​ത്ര​യി​ലു​ട​നീ​ളം തീ​ർ​ഥാ​ട​ക​രു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കും. അം​ഗീ​കൃ​ത ചാ​ന​ലു​ക​ൾ ഹ​ജ്ജ്, ഉം​റ മ​ന്ത്രാ​ല​യ​ത്തി​ന്റെ വെ​ബ്സൈ​റ്റി​ൽ ലി​സ്റ്റ് ചെ​യ്തി​ട്ടു​ണ്ടെ​ന്നും ഹ​ജ്ജ്​ ഉം​റ മ​ന്ത്രാ​ല​യം പ​റ​ഞ്ഞു.

പ​ല രാ​ജ്യ​ങ്ങ​ളി​ലും ആ​ളു​ക​ളെ വ​ഞ്ചി​ക്കാ​ൻ സോ​ഷ്യ​ൽ നെ​റ്റ്‌​വ​ർ​ക്കി​ങ്​ സൈ​റ്റു​ക​ളി​ലൂ​ടെ ഹ​ജ്ജ്​ സേ​വ​ന​ങ്ങ​ൾ പ​ര​സ്യ​പ്പെ​ടു​ത്തു​ന്നു​ണ്ട്. എ​ന്നാ​ൽ സൗ​ദി​യി​ലെ ബ​ന്ധ​പ്പെ​ട്ട വ​കു​പ്പു​ക​ൾ ന​ൽ​കു​ന്ന ഹ​ജ്ജ് വി​സ നേ​ടി​യാ​ൽ മാ​ത്ര​മെ ഹ​ജ്ജ് നി​ർ​വ​ഹി​ക്കാ​ൻ ക​ഴി​യൂ. വി​വി​ധ രാ​ജ്യ​ങ്ങ​ളി​ലെ ഹ​ജ്ജ് കാ​ര്യ ഓ​ഫി​സു​ക​ളു​മാ​യി ഏ​കോ​പി​ച്ചും ഔ​ദ്യോ​ഗി​ക ഹ​ജ്ജ് ഓ​ഫി​സു​ക​ളി​ല്ലാ​ത്ത രാ​ജ്യ​ങ്ങ​ളി​ൽ ‘ഹ​ജ്ജ് നു​സ്​​ക്​’ പ്ലാ​റ്റ്‌​ഫോം വ​ഴി​യു​മാ​ണ്​​ ഹ​ജ്ജ്​ വി​സ​ക​ൾ ന​ൽ​കു​ന്ന​ത്. ആ​ക​ർ​ഷ​ക​മാ​യ രൂ​പ​ക്ക്​ ഹ​ജ്ജ് സം​ഘ​ടി​പ്പി​ക്കു​മെ​ന്ന് അ​വ​കാ​ശ​പ്പെ​ടു​ന്ന സോ​ഷ്യ​ൽ നെ​റ്റ്‌​വ​ർ​ക്കു​ക​ളി​ലെ വ്യാ​ജ അ​ക്കൗ​ണ്ടു​ക​ൾ​ക്ക്​ പു​റ​മെ ക​മ്പ​നി​ക​ളു​ടെ കാ​മ്പ​യി​നു​ക​ളും പ​ര​സ്യ​ങ്ങ​ളും ഹ​ജ്ജ്​ ഉം​റ മ​ന്ത്രാ​ല​യം നി​രീ​ക്ഷി​ച്ചി​ട്ടു​ണ്ട്. ഇ​ത്ത​രം പ്ര​ചാ​ര​ണ​ങ്ങ​ളി​ൽ പെ​ട്ടു​​പോ​കു​ന്ന​തി​നെ​തി​രെ ജാ​ഗ്ര​ത പാ​ലി​ക്ക​ണ​മെ​ന്ന്​ ഹ​ജ്ജ്​ ഉം​റ മ​ന്ത്രാ​ല​യം പ​റ​ഞ്ഞു. ഇ​റാ​ഖി​ലെ ഹ​ജ്ജ്, ഉം​റ സു​പ്രീം അ​തോ​റി​റ്റി 25ല​ധി​കം വ്യാ​ജ ഹ​ജ്ജ്​ ക​മ്പ​നി​ക​ൾ പി​ടി​കൂ​ടി​യ​തി​നെ ഹ​ജ്ജ്​ ഉം​റ മ​ന്ത്രാ​ല​യം അ​ഭി​ന​ന്ദി​ച്ചു. വ്യാ​ജ ഹ​ജ്ജ്​ ക​മ്പ​നി​ക​ളെ ചെ​റു​ക്കു​ന്ന​തി​ൽ എ​ല്ലാ രാ​ജ്യ​ങ്ങ​ളും ന​ട​ത്തു​ന്ന ശ്ര​മ​ങ്ങ​ൾ അ​ഭി​ന​ന്ദ​നാ​ർ​ഹ​മാ​ണെ​ന്നും ഹ​ജ്ജ്​ ഉം​റ മ​ന്ത്രാ​ല​യം പ​റ​ഞ്ഞു.