ജിദ്ദ: സൗദിയിൽ ഞായറാഴ്ച പുതിയ രോഗികളുടെ എണ്ണത്തേക്കാൾ രോഗമുക്തി നിരക്ക് വർധിച്ചു. ഇന്ന് 1,079 പുതിയ രോഗികൾ റിപ്പോർട്ട് ചെയ്തപ്പോൾ രോഗമുക്തരായവരുടെ എണ്ണം 1,214 ആണ്. ഇതോടെ രാജ്യത്ത് ആകെ റിപ്പോർട്ട് ചെയ്ത കോവിഡ് രോഗികളുടെ എണ്ണം 4,74,191ഉം ആകെ രോഗമുക്തരുടെ എണ്ണം 4,55,618ഉം ആയി.
14 മരണങ്ങളാണ് ഇന്ന് കോവിഡ് മൂലമാണെന്ന് സ്ഥിരീകരിച്ചത്. ഇതോടെ ആകെ മരിച്ചവരുടെ എണ്ണം 7,677 ആയി. വിവിധ ആശുപത്രികളിലും മറ്റുമായി കോവിഡ് ചികിത്സയിലുള്ളവരുടെ എണ്ണം 10,896 ആയി. ഇവരിൽ 1,516 പേരുടെ നില ഗുരുതരമാണ്.
ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്. രാജ്യത്തെ കോവിഡ് മുക്തി നിരക്ക് 96.08 ശതമാനവും മരണനിരക്ക് 1.61 ശതമാനവുമാണ്.
വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: മക്ക 320, റിയാദ് 216, കിഴക്കൻ പ്രവിശ്യ 206, അസീർ 100, ജീസാൻ 63, മദീന 57, അൽ ഖസീം 38, നജ്റാൻ 20, തബൂക്ക് 19, ഹാഇൽ 17, അൽബാഹ 13, വടക്കൻ അതിർത്തി മേഖല 6, അൽ ജൗഫ് 4.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.