റിയാദ്: കോവിഡ് വ്യാപനം സൗദി അറേബ്യയിൽ സ്ഥിരീകരിച്ച ശേഷമുള്ള ഏറ്റവും കുറഞ്ഞ കണക്കിലേക്ക് പ്രതിദിന രോഗബാധിതരുടെ എണ്ണം കുറഞ്ഞു. ഞായറാഴ്ച 139 പേർക്ക് മാത്രമാണ് കോവിഡ് സ്ഥിരീകരിച്ചത്. എന്നാൽ 202 രോഗബാധിതർ സുഖം പ്രാപിച്ചു.
രാജ്യത്ത് വിവിധയിടങ്ങളിലായി 12 പേർ മരിച്ചു. രാജ്യത്തെ െമാത്തം രോഗബാധിതരുടെ എണ്ണം 3,59,888ഉം രോഗമുക്തരുടെ എണ്ണം 3,50,549ഉം ആയി. മരണസംഖ്യ 6048 ആയി ഉയർന്നു.
കോവിഡ് ബാധിതരായി ഇനി ബാക്കിയുള്ളത് 3291 പേർ മാത്രമാണ്. ഇതിൽ 499 പേർ മാത്രമാണ് ഗുരുതരാവസ്ഥയിൽ കഴിയുന്നത്. ഇവർ രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ ആരോഗ്യനില തൃപ്തികരമാണ്.
രാജ്യത്തെ കോവിഡ് മുക്തിനിരക്ക് 97.5 ശതമാനവും മരണനിരക്ക് 1.7 ശതമാനവുമാണ്. കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കോവിഡ് കേസുകൾ: റിയാദ് 44, മക്ക 33, കിഴക്കൻ പ്രവിശ്യ 16, അസീർ 14, മദീന 11, തബൂക്ക് 5, അൽജൗഫ് 4, അൽബാഹ 4, ഖസീം 3, നജ്റാൻ 2, ഹാഇൽ 2, ജീസാൻ 1.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.