ത്വാഇഫ്: 11ാമത് സൂഖ് ഉക്കാദ് മേളയോടനുബന്ധിച്ച് ആംഡ് ഫോഴ്സ് ഒരുക്കിയ പവലിയനിൽ സന്ദർശകരുടെ തിരക്ക്. ആയുധങ്ങളും ടാങ്കുകളും സൈനിക ഉപകരണങ്ങളും വാഹനങ്ങളും പ്രദർശനത്തിൽ ഒരുക്കിയതായി സൂപർവൈസർ റുഖ്ബാഅ് ഖലിദ് ഇവാദ് പറഞ്ഞു. കരസേനയുടെ മൂന്ന് ടാങ്കുകൾ, വ്യാമ സേനയുടെ എഫ് ബി 5 വിമാനം, വിവിധ വലിപ്പത്തിലുള്ള ബോംബുകൾ, തോക്കുകൾ തുടങ്ങിയവ ഉൾക്കൊള്ളുന്നതാണ് പവലിയൻ. സന്ദർശകരെ ബോധവത്കരിക്കാൻ ആംഡ് ഫോഴ്സിനു കീഴിലെ മെഡിക്കൽ വിഭാഗവുമുണ്ട്. സൈനിക ഉപകരണങ്ങളുടെ മുകളിലും വിമാനത്തിനുള്ളിലും കയറാനും ഫോേട്ടാ എടുക്കാനും ആവശ്യമായ വിവരങ്ങൾ ചോദിച്ചറിയാനും സന്ദർശകർക്ക് അവസരം നൽകുന്നതായും പവലിയൻ സൂപർവൈസർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.