സുകുമാർ മൈതി
ജുബൈൽ: പശ്ചിമ ബംഗാൾ രാജ് നഗർ സ്വദേശി സുകുമാർ മൈതി (37) സൗദി കിഴക്കൻ പ്രവിശ്യയിലെ ജുബൈലിൽ ഹൃദയസ്തംഭനം മൂലം മരിച്ചു. ജോലിസ്ഥലത്ത് സഹപ്രവർത്തകർക്കൊപ്പം ഇരിക്കുമ്പോൾ പെട്ടെന്ന് തളർന്നുവീഴുകയും ബോധം നഷ്ടപ്പെടുകയുമായിരുന്നു. തുടർന്ന് അൽ-മന ആശുപത്രിയിൽ എത്തിച്ചെങ്കിലും രക്ഷിക്കാൻ സാധിച്ചില്ല. നാലുമാസം മുമ്പാണ് സുകുമാർ സൗദിയിൽ ജോലിക്കായി എത്തിയത്.
ജുബൈലിലെ ഒരു സ്കഫോൾഡിങ് കമ്പനിയിൽ ജീവനക്കാരനായിരുന്നു അദ്ദേഹം. മൃതദേഹം അൽ-മന ആശുപത്രി മോർച്ചറിയിൽ സൂക്ഷിച്ചിരിക്കുകയാണെന്ന് നടപടികൾക്ക് നേതൃത്വം നൽകുന്ന പ്രവാസി വെൽഫെയർ ജനസേവന വിഭാഗം കൺവീനർ സലിം ആലപ്പുഴ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.