റിയാദ്: പ്രവാസം അവസാനിപ്പിച്ച് നാട്ടിലേക്ക് മടങ്ങിയ യവനിക കലാസാംസ്കാരിക വേദി ഉപദേശക സമിതി അംഗം പീറ്റർ കോതമംഗലത്തിന് യാത്രയയപ്പ് നൽകി. പ്രമുഖ ടാക്സി കമ്പനിയിലും ഫ്രഞ്ച് കമ്പനിയിലുമായി കാൽനൂറ്റാണ്ടത്തെ പ്രവാസത്തിന് ശേഷമാണ് അദ്ദേഹം നാട്ടിലേക്ക് മടങ്ങുന്നത്. ഒ.ഐ.സി.സി ഉൾപ്പെടെയുള്ള റിയാദിലെ ഒട്ടനവധി സംഘടനക്ക് അദ്ദേഹം നൽകിയ സംഭാവനകൾ വിലമതിക്കാൻ കഴിയാത്തതാണെന്ന് യോഗത്തിൽ സംസാരിച്ചവർ ചൂണ്ടിക്കാട്ടി.
പ്രസിഡൻറ് വിജയൻ നെയ്യാറ്റിൻകര അധ്യക്ഷത വഹിച്ചു. സൈഫ് കായംകുളം, ഷാജി മഠത്തിൽ, അബ്ദുസ്സലാം ഇടുക്കി, ഷാജഹാൻ പാണ്ട, നാസർ കല്ലറ, ഷാരോൺ ശരീഫ്, ജോയി കോതമംഗലം തുടങ്ങിയവർ സംസാരിച്ചു. സെക്രട്ടറി നാസർ ലൈസ് സ്വാഗതവും നിഷാദ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.