ഹജ്ജിന്​ അവസാന വട്ട ഒരുക്കം; മക്ക മഹാസംഗമത്തി​െൻറ ദിനങ്ങളിലേക്ക്​

ജിദ്ദ: 20 ലക്ഷത്തിലേറെ തീർഥാടകർ പ​െങ്കടുക്കുന്ന ഹജ്ജ്​ കർമങ്ങൾ തുടങ്ങാൻ ഒരാ​ഴ്​ച മാത്രം ബാക്കി നിൽക്കെ മക്കയിൽ ഒരുക്കങ്ങൾ അവസാനഘട്ടത്തിൽ. 15 ലക്ഷത്തോളം ഹാജിമാർ ഇതിനകം മക്കയിൽ എത്തിക്കഴിഞ്ഞു. ദുൽഹജ്ജിലെ ആദ്യ വെള്ളിയാഴ്​ചയായ ഇന്നലെ നടന്ന ജുമുഅ നമസ്​കാരത്തിൽ പ​െങ്കടുക്കാൻ വ്യാഴാഴ്​ച രാത്രി തന്നെ ഹാജിമാർ താമസകേന്ദ്രങ്ങളിൽ നിന്ന്​ മസ്​ജിദുൽ ഹറാമിലേക്ക്​ പുറപ്പെട്ടു തുടങ്ങിയിരുന്നു. പൊതുവെ ഇരുണ്ട കാലാവസ്​ഥയാണെങ്കിലും കടുത്ത ചൂട്​ അനുഭവിച്ചുകൊണ്ട്​ ഹറം പരിസരങ്ങളിൽ വിശ്വാസികൾ പ്രാർഥനയിൽ പങ്കുകൊണ്ടു.

രാജ്യത്തെ ​വിവിധ സേനകൾ തീർഥാടകരെ സഹായിക്കാനും അവർക്ക്​ സുരക്ഷയൊരുക്കാനും രംഗത്തിറങ്ങി. ഹജ്ജ്​ ക്രമീകരണങ്ങളുടെയും സുരക്ഷാ സംവിധാനങ്ങളുടെയും റിഹേഴ്​സൽ കൂടിയായിരുന്നു ഇന്നലത്തെ ജുമുഅ പ്രാർഥനക്ക്​ വേണ്ടിയുള്ള നടപടികൾ. കേരളത്തിൽ നിന്നുള്ള അവസാന ഹജ്ജ്​ വിമാനം ഇന്നെത്തും. സ്വകാര്യ ഹജ്ജ്​ ഗ്രൂപ്​ വഴി എത്തിയ ഹാജിമാർ മദീന സന്ദർശനം പൂർത്തിയാക്കി. ശനിയാഴ്​ചയോടെ ഹാജിമാർ മക്കയി​ലെത്തും.  

ഇനിയെല്ലാവരും ഹജ്ജ്​ കർമങ്ങൾക്കുള്ള മുന്നൊരുക്കങ്ങളിലേക്ക്​ നീങ്ങുകയാണ്​. ഹാജിമാർ നിരന്തരം ഉംറ നിർവഹിക്കുന്നതും എല്ലാവരും എല്ലാ നമസ്​കാരങ്ങൾക്കും ഹറമിലേക്ക്​ വരുന്നതും നിരുൽസാഹപ്പെടുത്തുന്ന അറിയിപ്പുകൾ അടുത്ത ദിവസം തന്നെ ഉണ്ടാവും. ചൊവ്വാഴ്​ച രാത്രിയോടെ ഹാജിമാർ മിനായിലേക്ക്​  പുറപ്പെടും. വ്യാഴാഴ്​ചയാണ്​ അറഫാ സംഗമം. ബുധനാഴ്​ച എല്ലാവരും ഒരുമിച്ച്​ മിനായിലേക്ക്​ പുറപ്പെടു​േമ്പാഴുള്ള തിരക്ക്​ ഒഴിവാക്കാനാണ്​  ചൊവ്വാഴ്​ച തന്നെ പുറപ്പെടുന്നത്​. മിനായിലെ തമ്പുകളിൽ അവസാനവട്ട ഒരുക്കങ്ങൾ തകൃതിയായി നടക്കുകയാണ്​. 

വിവിധ രാജ്യങ്ങളുടെ ഹജ്ജ്​ മിഷൻ ഒാഫീസുകൾ അടുത്ത ദിവസങ്ങളിൽ മിനായിൽ സജീവമാവും. ഇത്തവണ ഹജ്ജ്​  കർമങ്ങൾ നടക്കുന്ന ദിനങ്ങളിൽ 45 ഡിഗ്രി വരെ ചൂട്​ ഉണ്ടാവുമെന്നാണ്​ കാലാവസ്​ഥാ വിഭാഗം  അറിയിച്ചിരിക്കുന്നത്​. അതിതാപം മൂലമുണ്ടാവുന്ന അടിയന്തരസാഹചര്യങ്ങളെ നേരിടാൻ അധികൃതർ മുന്നൊരുക്കങ്ങൾ നടത്തുന്നുണ്ട്​. മുൻ വർഷങ്ങളെക്കാൾ മികച്ച ആതുര സേവന വിഭാഗവും  സംവിധാനങ്ങളും  ഒരുക്കിയിട്ടുണ്ട്​. സുരക്ഷയുടെ കാര്യത്തിലും വൻ സന്നാഹമാണ്​ ഒരുക്കുന്നത്​. ഇതി​​​െൻറ ഭാഗമായി ആയിരക്കണക്കിന്​  സൈനികർ പ​െങ്കടുത്ത പരേഡ്​ ബുധനാഴ്​ച മക്കയിൽ നടന്നു.