യുനെസ്‌കോ പരിസ്ഥിതി സംരക്ഷണ പട്ടികയിൽ 'ഹരാത് ഉവൈരിദ്'

റി​യാ​ദ്: സൗ​ദി അ​റേ​ബ്യ​യു​ടെ വ​ട​ക്കു​പ​ടി​ഞ്ഞാ​റ​ൻ മേ​ഖ​ല​യി​ലെ പൗ​രാ​ണി​ക വി​നോ​ദ​കേ​ന്ദ്ര​മാ​യ അ​ൽ​ഉ​ല​യി​ലെ അ​ഞ്ച് പ്ര​കൃ​തി​സം​ര​ക്ഷ​ണ കേ​ന്ദ്ര​ങ്ങ​ളി​ൽ വ​ലു​പ്പ​ത്തി​ൽ മു​ന്നി​ലു​ള്ള 'ഹ​രാ​ത് ഉ​വൈ​രി​ദ്' പ​ർ​വ​ത​നി​ര​ക​ൾ യു​നെ​സ്‌​കോ​യു​ടെ പ​രി​സ്ഥി​തി സം​ര​ക്ഷ​ണ​പ​ട്ടി​ക​യി​ൽ ഉ​ൾ​പ്പെ​ടു​ത്തി. രാ​ജ്യ​ത്തി​ന്റെ വ​ട​ക്കു​പ​ടി​ഞ്ഞാ​റ് ഭാ​ഗ​ത്തു​ള്ള ഈ ​പ​ർ​വ​ത​ങ്ങ​ൾ യു​നെ​സ്‌​കോ​യു​ടെ 'മാ​ൻ ആ​ൻ​ഡ് ബ​യോ​സ്ഫി​യ​ർ' (എം.​എ.​ബി) പ്രോ​ഗ്രാ​മി​ലേ​ക്ക് പ്ര​വേ​ശി​ക്കു​ന്ന ര​ണ്ടാ​മ​ത്തെ പ്ര​ദേ​ശ​മാ​ണി​ത്. വം​ശ​നാ​ശ​ഭീ​ഷ​ണി നേ​രി​ടു​ന്ന 19 ഇ​നം മൃ​ഗ​ങ്ങ​ളും 43 ത​രം പ​ക്ഷി​ക​ളും 55 ഇ​നം അ​പൂ​ർ​വ സ​സ്യ​ങ്ങ​ളും ഇ​വി​ടെ​യു​ണ്ട്. അ​റേ​ബ്യ​ൻ പു​ള്ളി​പ്പു​ലി​ക​ളു​ടെ ആ​വാ​സ​കേ​ന്ദ്ര​മാ​യാ​ണ് ഹ​രാ​ത് ഉ​വൈ​രി​ദ് അ​റി​യ​പ്പെ​ടു​ന്ന​ത്. ആ​ടു​വ​ള​ർ​ത്ത​ലി​ലൂ​ടെ​യും കാ​ർ​ഷി​ക​വൃ​ത്തി​യി​ലൂ​ടെ​യും ഉ​പ​ജീ​വ​നം ക​ണ്ടെ​ത്തു​ന്ന 50,000 ഗ്രാ​മീ​ണ​ർ ഈ ​മ​ല​നി​ര​ക​ളു​ടെ താ​ഴ്വ​ര​യി​ൽ അ​ധി​വ​സി​ക്കു​ന്നു. 2021ൽ ​യു​നെ​സ്‌​കോ​യു​ടെ ലോ​ക പൈ​തൃ​ക പ​ട്ടി​ക​യി​ൽ ഉ​ൾ​പ്പെ​ടു​ത്തി​യ തെ​ക്കു​പ​ടി​ഞ്ഞാ​റ​ൻ അ​തി​ർ​ത്തി​മേ​ഖ​ല​യാ​യ ചെ​ങ്ക​ട​ലി​ലെ 'ഫ​ർ​സാ​ൻ ദ്വീ​പു'​ക​ൾ​ക്ക് ശേ​ഷം യു​നെ​സ്‌​കോ 'മാ​ൻ ആ​ൻ​ഡ് ബ​യോ​സ്ഫി​യ​ർ' പ്രോ​ഗ്രാ​മി​ൽ ഉ​ൾ​പ്പെ​ടു​ത്തു​ന്ന സൗ​ദി​യു​ടെ മ​റ്റൊ​രു ഭൂ​ഭാ​ഗ​മാ​ണ് 'ഹ​രാ​ത് ഉ​വൈ​രി​ദ്.'

സൗ​ദി ഗ​വ​ൺ​മെ​ന്റ് ഇ​തി​നെ സ്വാ​ഗ​തം​ചെ​യ്തു. പ​ർ​വ​ത​നി​ര​ക​ളി​ൽ അ​ധി​വ​സി​ക്കു​ന്ന​വ​രും അ​വ​രു​ടെ ചു​റ്റു​പാ​ടു​ക​ളും ത​മ്മി​ലു​ള്ള ബ​ന്ധം വ​ർ​ധി​പ്പി​ക്കാ​ൻ ല​ക്ഷ്യ​മി​ട്ടു​ള്ള പ​ദ്ധ​തി​യാ​ണ് 'മാ​ൻ ആ​ൻ​ഡ് ബ​യോ​സ്ഫി​യ​ർ.' എ​ല്ലാ ര​ജി​സ്ട്രേ​ഷ​ൻ മാ​ന​ദ​ണ്ഡ​ങ്ങ​ളും പാ​ലി​ച്ച​തി​നു​ശേ​ഷം ന​ട​ന്ന യു​നെ​സ്‌​കോ​യു​ടെ 34ാമ​ത് യോ​ഗ​ത്തി​ലാ​ണ് ഹ​രാ​ത് ഉ​വൈ​രി​ദി​നെ ഉ​ൾ​പ്പെ​ടു​ത്തി​യ​ത്. മ​നു​ഷ്യ​ന്റെ ഉ​പ​ജീ​വ​ന​മാ​ർ​ഗ​ങ്ങ​ൾ മെ​ച്ച​പ്പെ​ടു​ത്തു​ക​യും പ്ര​കൃ​തി​ദ​ത്ത​വും നി​യ​ന്ത്രി​ത​വു​മാ​യ ആ​വാ​സ​വ്യ​വ​സ്ഥ​യെ സം​ര​ക്ഷി​ക്കു​ക​യു​മാ​ണ് ല​ക്ഷ്യം.