‘ഹിഫ’ ലോഗോ പ്രകാശനവും സോഷ്യൽ മീഡിയ ലോഞ്ചിങ്ങും ചടങ്ങ്
അൽ അഹ്സ: അൽ അഹ്സ ഇന്ത്യൻ ഫുട്ബാൾ അസോസിയേഷൻ (ഹിഫ)യുടെ പുതിയ ലോഗോ പ്രകാശനം ചെയ്തു. അൽ അഹ്സ ഇസ്ലാമിക്‌ സെൻറർ മലയാളം വിഭാഗം മേധാവിയും ഹിഫ രക്ഷാധികാരിയുമായ നാസർ മദനി ഉദ്ഘാടനം ചെയ്തു. ഹിഫയുടെ പ്രവർത്തനങ്ങളെക്കുറിച്ച് ലോക കേരളാസഭാംഗവും നവോദയ കേന്ദ്ര പ്രസിഡൻറും ഹിഫ രക്ഷാധികാരിയുമായ ഹനീഫ മൂവാറ്റുപുഴ സംസാരിച്ചു.
ലോഗോ പ്രകാശനം മാസാ ഗ്രൂപ് മാനേജിങ് ഡയറക്ടർ ഡോ. സൈതലവി കരുത്തേടത്തും സോഷ്യൽ മീഡിയ ലോഞ്ചിങ് ഹസ ലുലു ഗ്രൂപ് മാനേജർ നൗഷാദ് കണ്ണൂരും നിർവഹിച്ചു. മാസാ ഗ്രൂപ് മാനേജിങ് ഡയറക്ടർ ഡോ. സൈതലവി കരുത്തേടത്തെ ചടങ്ങിൽ ആദരിച്ചു. നാസർ മദനി ഫിഫയുടെ ഉപഹാരം സമ്മാനിച്ചു. ഹനീഫ മുവാറ്റുപുഴ പൊന്നാട അണിയിച്ചു.
ഹിഫയുമായി സഹകരിക്കുന്ന ഹസയിലെ വിവിധ മലയാളി സംരംഭകരെ യോഗത്തിൽ ആദരിച്ചു. ഹിഫ പ്രസിഡൻറ് ഷുഹൈബ് അധ്യക്ഷത വഹിച്ചു. ചന്ദ്രബാബു കടയ്ക്കൽ, ഉമർ കോട്ടയിൽ, അഷ്റഫ് ഗസാൽ എന്നിവർ സംസാരിച്ചു. ഷിബു ആസാദ് സ്വാഗതവും ഷൈജൻ ജോൺ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.