ജിദ്ദ: ഇടവേളക്ക് ശേഷം വീണ്ടും സൗദി അതിർത്തികടന്ന് ഹൂതി ആക്രമണം. ജീസാനിലെ ആശുപത്രിക്ക് നേരെയാണ് ചൊവ്വാഴ്ച രാത്രി മിസൈൽ ആക്രമണമുണ്ടായത്. സംഭവത്തിൽ ആശുപത്രി കെട്ടിടത്തിന് കേടുപാട് സംഭവിച്ചു. ആർക്കും പരിക്കില്ലെന്ന് സിവിൽ ഡിഫൻസ് അറിയിച്ചു.
യമൻ അതിർത്തിക്കടുത്താണ് ആക്രമണം നടന്ന ആശുപത്രി. നേരത്തെ നിരവധി ആക്രമണങ്ങളാണ് ജീസാൻ ലക്ഷ്യമാക്കി ഹൂതികൾ നടത്തിയിരുന്നത്. ബാലിസ്റ്റിക് മിസൈൽ ആക്രമണങ്ങൾ മിക്കതും സൗദി സഖ്യസേന പ്രതിരോധിച്ചിരുന്നു.
യമനിൽ സമാധാനം പുനഃസ്ഥാപിക്കാൻ യു.എൻ നേതൃത്വത്തിൽ ശ്രമങ്ങൾ പുരോഗമിക്കുന്നതിനിടെയാണ് ആക്രമണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.