ഐ.സി.എഫ് മക്ക റീജൻ ലീഡേഴ്‌സ് മീറ്റിൽ സമസ്ത കേന്ദ്ര മുശാവറ അംഗം അബ്ദുൾ നാസർ അഹ്സനി ഒളവട്ടൂർ സംസാരിക്കുന്നു
മക്ക: ഐ.സി.എഫ് മക്ക റീജൻ ഘടകം ലീഡേഴ്‌സ് മീറ്റും ഇഫ്താർ സംഗമവും വാദിസലാം ഓഡിറ്റോറിയത്തിൽ നടന്നു. ഡിവിഷൻ, യൂനിറ്റ്, ക്യാബിനറ്റ് അംഗങ്ങൾ പങ്കെടുത്ത ക്യാമ്പ് പ്രവർത്തകർക്ക് നവ്യാനുഭവമായി.
ഷാഫി ബാഖവി മീനടത്തൂർ സംഗമം ഉദ്ഘാടനം ചെയ്തു. മുഹമ്മദ് മുസ്‌ലിയാർ മൂത്തേടത്ത് അധ്യക്ഷതവഹിച്ചു. 'പ്രവർത്തകരുടെ നോമ്പ് കാലം' എന്ന വിഷയത്തിൽ സമസ്ത കേന്ദ്ര മുശാവറ അംഗം അബ്ദുൾ നാസർ അഹ്സനി ഒളവട്ടൂർ മുഖ്യപ്രഭാഷണം നടത്തി. പ്രവർത്തകർ ഒന്നിച്ചിരുന്നുള്ള ഖത്മുൽ ഖുർആൻ മജ്‌ലിസിന് ഷാഫി ബാഖവി നേതൃത്വം നൽകി.
അബ്ദുൽ ഹമീദ് ഹാജി പുക്കോടൻ സ്വാഗതവും സൽമാൻ വെങ്ങളം നന്ദിയും പറഞ്ഞു. ജമാൽ മുക്കം, നാസർ തച്ചംപൊയിൽ, റഷീദ് വേങ്ങര, ഹംസ കണ്ണൂർ എന്നിവർ ഇഫ്താറിന് നേതൃത്വം നൽകി. അബ്ദുൾ റഷീദ് അസ്ഹരി, അഷ്‌റഫ് പേങ്ങാട്, അബ്ദുൾ നാസർ അൻവരി തുടങ്ങിയവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.