അറഫയിലെ ജബലുറഹ്മ വികസന പദ്ധതിയുടെ മാതൃക
ജിദ്ദ: ഹജ്ജ് തീർഥാടനവുമായി ബന്ധപ്പെട്ട സുപ്രധാന സ്ഥലങ്ങളിൽ ഒന്നായ അറഫയിലെ ജബലുറഹ്മയോട് (റഹ്മ പർവതം) ചേർന്നുള്ള പ്രദേശം വികസിപ്പിക്കുന്നതിനും അറ്റകുറ്റപ്പണി തീർത്ത് ഭംഗിയാക്കുന്നതിനും പദ്ധതിയെന്ന് കിദാന വികസന കമ്പനി. പുണ്യസ്ഥല സന്ദർശകർക്കും തീർഥാടകർക്കും മികച്ച സൗകര്യം ഒരുക്കുന്നതിന്റെ ഭാഗമാണിത്. രണ്ടു ലക്ഷം ചതുരശ്ര മീറ്റർ വിസ്തീർണത്തിൽ നവീകരിക്കും.
സന്ദർശകരുടെ ബസുകൾക്കും കാറുകൾക്കും പൊതുപാർക്കിങ്, നിലവിലുള്ള ടോയ്‌ലറ്റുകൾ വികസനം, പുതിയവ നിർമിക്കൽ തുടങ്ങിയവയാണ് പ്രധാനം. റഹ്മ മലയിലും പരിസരത്തും കൂടുതൽ വെളിച്ചം. അന്തരീക്ഷ ചൂട് കുറക്കുന്നതിന് ജലധാര. പ്രദേശത്ത് തറ മുഴുവൻ പച്ച വിരിക്കൽ, ഇരിപ്പിടം, നടപ്പാത എന്നിവ ഒരുക്കലും പദ്ധതിയുടെ ഭാഗമാണ്.
റസ്റ്റാറൻറുകൾ, കഫേകൾ, ഗൈഡൻസ്, ടി.വി ചാനൽ പ്ലാറ്റ്‌ഫോം, സുരക്ഷനിരീക്ഷണ ടവർ, സർക്കാർ സേവന ഏജൻസികൾ എന്നിവയും നിർമിക്കുമെന്ന് കിദാന വികസന കമ്പനി അധികൃതർ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.