‘നാനാത്വത്തിൽ ഏകത്വം; ഇന്ത്യയുടെ സൗന്ദര്യം': ഫോക്കസ് സെമിനാർ ഇന്ന്

ജി​ദ്ദ: ഇ​ന്ത്യ​യു​ടെ 77ാമ​ത് സ്വാ​ത​ന്ത്ര്യ ദി​നാ​ഘോ​ഷ​ങ്ങ​ളു​ടെ ഭാ​ഗ​മാ​യി ‘നാ​നാ​ത്വ​ത്തി​ൽ ഏ​ക​ത്വം; ഇ​ന്ത്യ​യു​ടെ സൗ​ന്ദ​ര്യം’ എ​ന്ന വി​ഷ​യ​ത്തി​ൽ ഫോ​ക്ക​സ് ഇ​ൻ​റ​ർ​നാ​ഷ​ന​ൽ ജി​ദ്ദ ഡി​വി​ഷ​ൻ സം​ഘ​ടി​പ്പി​ക്കു​ന്ന സെ​മി​നാ​ർ ഇ​ന്ന് (വെ​ള്ളി) ന​ട​ക്കു​മെ​ന്ന് ഭാ​ര​വാ​ഹി​ക​ൾ അ​റി​യി​ച്ചു.

രാ​ത്രി 7.45 ന് ​ശ​റ​ഫി​യ ഇ​ന്ത്യ​ൻ ഇ​സ്​​ലാ​ഹി സെ​ന്റ​റി​ൽ വെ​ച്ചു ന​ട​ക്കു​ന്ന സെ​മി​നാ​റി​ൽ ജി​ദ്ദ​യി​ലെ വി​വി​ധ മേ​ഖ​ല​ക​ളി​ൽ​നി​ന്നു​ള്ള​വ​ർ പ​ങ്കെ​ടു​ക്കും. ഇ​ന്ത്യ​ൻ ഭ​ര​ണ​ഘ​ട​ന ന​ൽ​കു​ന്ന മൗ​ലി​കാ​വ​കാ​ശ​ങ്ങ​ൾ ഹ​നി​ക്ക​പ്പെ​ട്ടു​കൊ​ണ്ടി​രി​ക്കു​ന്ന സാ​ഹ​ച​ര്യ​ത്തി​ൽ, മ​തം, വ​ർ​ഗീ​യ​ത, അ​ഴി​മ​തി, ദാ​രി​ദ്ര്യം, വി​ദ്യാ​ഭ്യാ​സം, തൊ​ഴി​ൽ, വി​ക​സ​നം തു​ട​ങ്ങി രാ​ജ്യം നി​ര​വ​ധി വെ​ല്ലു​വി​ളി​ക​ളി​ലൂ​ടെ​യാ​ണ് ക​ട​ന്നു​പോ​കു​ന്ന​ത്.

മ​ണി​പ്പൂ​രും ഹ​രി​യാ​ന​യും ആ​വ​ർ​ത്തി​ക്ക​പ്പെ​ട്ടു​കൂ​ടാ. രാ​ജ്യ​ത്തി​ന്റെ പാ​ര​മ്പ​ര്യ​വും പൈ​തൃ​ക​വും നി​ല​നി​ൽ​ക്ക​ണം. മൂ​ല്യ​ബോ​ധ​മു​ള്ള ത​ല​മു​റ വ​ള​ർ​ന്നു​വ​ര​ണം. ഇ​ത്ത​ര​ത്തി​ൽ സ​മ​കാ​ലി​ക ഇ​ന്ത്യ​ൻ സാ​ഹ​ച​ര്യ​ങ്ങ​ൾ ച​ർ​ച്ച ചെ​യ്യു​ന്ന​തി​ന് വേ​ണ്ടി​യാ​ണ് ഫോ​ക്ക​സ് സെ​മി​നാ​ർ സം​ഘ​ടി​പ്പി​ക്കു​ന്ന​തെ​ന്ന് ഫോ​ക്ക​സ് ഭാ​ര​വാ​ഹി​ക​ൾ അ​റി​യി​ച്ചു.

ഫോ​ക്ക​സ് കെ​യ​ർ മാ​നേ​ജ​ർ ഷ​ഫീ​ഖ് പ​ട്ടാ​മ്പി വി​ഷ​യ​മ​വ​ത​രി​പ്പി​ക്കും. മാ​ധ്യ​മ പ്ര​വ​ർ​ത്ത​ക​ൻ എ.​എം സ​ജി​ത്ത്, യു​വ​ജ​ന സം​ഘ​ട​ന ഭാ​ര​വാ​ഹി​ക​ളാ​യ ഫ​സ​ലു​ള്ള വെ​ള്ളു​വ​മ്പാ​ലി (ഐ.​വൈ.​സി), ലാ​ലു വെ​ങ്ങൂ​ർ (ന​വോ​ദ​യ യൂ​ത്ത് വി​ങ്), നൗ​ഫ​ൽ ഉ​ള്ളാ​ട​ൻ (ഫി​റ്റ് ജി​ദ്ദ), ഉ​മ​റു​ൽ ഫാ​റൂ​ഖ് (യൂ​ത്ത് ഇ​ന്ത്യ) എ​ന്നി​വ​ർ പ​ങ്കെ​ടു​ക്കും.