ത​മി​ഴ് മ​ക്ക​ൾ​ക്ക് സം​ഗീ​ത വി​രു​ന്നൂ​ട്ടി റി​യാ​ദി​ൽ ‘ഇ​സൈ കൊ​ണ്ടാ​ട്ടം’ അ​ര​ങ്ങേ​റി

റി​യാ​ദ്: സൗ​ദി​യി​ൽ ഇ​ദം​പ്ര​ഥ​മ​മാ​യി എ.​ടി.​സി അ​റേ​ബ്യ ഇ​വ​ന്റ് ക​മ്പ​നി സം​ഘ​ടി​പ്പി​ച്ച സം​ഗീ​ത പ​രി​പാ​ടി ‘ഇ​സൈ കൊ​ണ്ടാ​ട്ടം’ റി​യാ​ദി​ലെ ത​മി​ഴ് ജ​ന​ത​യു​ടെ പ്ര​വാ​സ സാം​സ്കാ​രി​ക ച​രി​ത്ര​ത്തി​ലെ നാ​ഴി​ക​ക്ക​ല്ലാ​യി മാ​റി. ക​ള​ക​ളാ​ര​വം പോ​ലെ നി​ർ​ഗ​മി​ച്ച ആ​ൻ​ഡ്രി​യ ജ​ർ​മി​യ​യു​ടെ സം​ഗീ​ത സ്വ​ര​രാ​ഗ പ്ര​വാ​ഹ​ത്തി​ൽ താ​ളം പി​ടി​ച്ചും ചു​വ​ടു​ക​ൾ​വെ​ച്ചും ത​മി​ഴ് മ​ക്ക​ൾ ഇ​സൈ കൊ​ണ്ടാ​ട്ട​വേ​ദി അ​നു​പ​മ​മാ​ക്കി മാ​റ്റി.

ഇ​ന്റ​ർ​നാ​ഷ​ന​ൽ ഇ​ന്ത്യ​ൻ സ്കൂ​ൾ അ​ങ്ക​ണ​ത്തി​ൽ ആ​ൻ​ഡ്രി​യ​യു​ടെ ബാ​ൻ​ഡ് ഒ​രു​ക്കി​യ സം​ഗീ​ത​പ​രി​പാ​ടി കാ​ണാ​ൻ ത​മി​ഴ് സ​മൂ​ഹ​ത്തി​ലെ ഒ​രു പ​രിഛേ​ദം ത​ന്നെ ഉ​ണ്ടാ​യി​രു​ന്നു.

പു​തി​യ​തും സം​ഗീ​ത പ്രേ​മി​ക​ൾ കേ​ൾ​ക്കാ​ൻ കൊ​തി​ച്ച​തു​മാ​യ നി​ര​വ​ധി ഗാ​ന​ങ്ങ​ൾ കോ​ർ​ത്തി​ണ​ക്കി ആ​ബാ​ല​വൃ​ദ്ധം ജ​ന​ങ്ങ​ളെ പാ​ടി ര​സി​പ്പി​ക്കു​ക​യാ​യി​രു​ന്നു. ശ​ബ്ദ​വും വെ​ളി​ച്ച​വും പി​ന്ന​ണി ചി​ത്ര​ങ്ങ​ളും സ​മ​ഞ്ജ​സ​മാ​യി സ​മ്മേ​ളി​ച്ച പ​ശ്ചാ​ത്ത​ലം വി​സ്മ​യ​മാ​നു​ഭ​വ​ങ്ങ​ൾ സ​മ്മാ​നി​ച്ചു.

ഇ​ന്ത്യ​ൻ പി​ന്ന​ണി ഗാ​യി​ക​യും ന​ടി​യു​മാ​യ അ​വ​ർ പ്ര​ധാ​ന​മാ​യും ത​മി​ഴ് സി​നി​മ​ക​ളി​ൽ അ​ഭി​ന​യി​ക്കു​ന്ന​തോ​ടൊ​പ്പം മ​ല​യാ​ളം, തെ​ലു​ങ്ക് ഭാ​ഷാ ചി​ത്ര​ങ്ങ​ളി​ലും പ്ര​വ​ർ​ത്തി​ക്കു​ന്നു. ഹാ​രി​സ് ജ​യ​രാ​ജ് സം​ഗീ​ത സം​വി​ധാ​നം ചെ​യ്‌​ത അ​ന്നി​യ​ൻ ത​മി​ഴ് ച​ല​ച്ചി​ത്ര​ത്തി​ലെ ‘ക​ണ്ണും ക​ണ്ണും നോ​ക്കി​യ’ എ​ന്ന ചി​ത്ര​ത്തി​ലൂ​ടെ​യാ​ണ് അ​വ​ർ പി​ന്ന​ണി ഗാ​ന​രം​ഗ​ത്ത് അ​ര​ങ്ങേ​റ്റം കു​റി​ച്ച​ത്.

ത​മി​ഴ് സി​നി​മ​യാ​യ പ​ച്ച​ക്കി​ളി മു​ത്തു​ച​രം (2007), ആ​ർ. ശ​ര​ത്കു​മാ​ർ, ജ്യോ​തി​ക എ​ന്നി​വ​ർ​ക്കൊ​പ്പം അ​ന്ന​യും റ​സൂ​ലും (2013) എ​ന്ന ചി​ത്ര​ത്തി​ലൂ​ടെ ഫ​ഹ​ദ് ഫാ​സി​ലി​നൊ​പ്പം മ​ല​യാ​ള​ത്തി​ലും അ​ര​ങ്ങേ​റ്റം കു​റി​ച്ചു. സം​ഗീ​ത​വി​രു​ന്നി​നോ​ടൊ​പ്പം പോ​ൾ​സ്റ്റാ​ർ ഡാ​ൻ​സ് അ​ക്കാ​ദ​മി ക​ലാ​കാ​ര​ന്മാ​ർ ത​മി​ഴ് സി​നി​മ ലോ​ക​ത്തെ നാ​യ​ക​ർ​ക്ക് അ​ഭി​വാ​ദ്യ​മ​ർ​പ്പി​ച്ച് നൃ​ത്തം ചെ​യ്തു.