റിയാദ് കേളി കലാസാംസ്കാരിക വേദി മലസ് ഏരിയ ലൈബ്രറി സി.പി.എം മലപ്പുറം ജില്ല കമ്മിറ്റി അംഗം എ. ശിവദാസൻ
ഉദ്ഘാടനം ചെയ്യുന്നു
റിയാദ്: അന്യം നിന്നുപോകുന്ന വായന സംസ്കാരം തിരിച്ചുപിടിക്കാൻ ഏരിയ ലൈബ്രറിയുമായി റിയാദ് കേളി കലാസാംസ്കാരിക വേദി മലസ് ഏരിയ. സി.പി.എം മലപ്പുറം ജില്ല കമ്മിറ്റി അംഗവും സംസ്ഥാന ലൈബ്രറി കൗൺസിൽ മലപ്പുറം ജില്ല പ്രസിഡൻറുമായ എ. ശിവദാസൻ ലൈബ്രറി ഉദ്ഘാടനം ചെയ്തു. ആദ്യഘട്ടമായി ആയിരത്തോളം പുസ്തങ്ങൾ കേളി അംഗങ്ങളിൽനിന്ന് ലൈബ്രറിയിലേക്ക് സംഭാവനയായി ലഭിച്ചു. ഏരിയ വൈസ് പ്രസിഡൻറ് സമീർ അബ്ദുൽ അസീസ് അധ്യക്ഷത വഹിച്ചു. മുഖ്യ രക്ഷാധികാരി കൺവീനർ കെ.പി.എം. സാദിഖ്, പ്രസിഡൻറ് സെബിൻ ഇഖ്‌ബാൽ, മുഖ്യ രക്ഷാധികാരി അംഗങ്ങളായ സുരേന്ദ്രൻ കൂട്ടായി, ഫിറോഷ് തയ്യിൽ, ജോയിൻറ് സെക്രട്ടറിയും മലസ് രക്ഷാധികാരി കമ്മിറ്റി കൺവീനറുമായ സുനിൽകുമാർ, കേന്ദ്രകമ്മിറ്റി അംഗം മധു പട്ടാമ്പി, ഇമ്പിച്ചിവാവ മെമ്മോറിയൽ ആശുപത്രി സെക്രട്ടറിയും മുൻ ലൈബ്രേറിയനുമായ ഷുഹൈബ് തുടങ്ങിയവർ സംസാരിച്ചു.
മലസ് ഏരിയ ട്രഷറർ സിംനേഷ്, ഒലയ്യ മേഖല സെക്രട്ടറി ഷമീം മേലേതിൽ, ജോയിൻറ് ട്രഷറർ പി.എൻ.എം. റഫീഖ്, ഏരിയ സെൻറർ കമ്മിറ്റി അംഗം റനീസ് കരുനാഗപ്പള്ളി തുടങ്ങിയവർ പങ്കെടുത്തു. ജോയിൻറ് സെക്രട്ടറിയും മലസ് രക്ഷാധികാരി കമ്മിറ്റി കൺവീനറുമായ സുനിൽകുമാർ ആദ്യ പുസ്തകം എ. ശിവദാസന് കൈമാറി. ഏരിയ സെക്രട്ടറി നൗഫൽ ഉള്ളാട്ട്ചാലി സ്വാഗതവും ഏരിയ സാംസ്കാരിക കമ്മിറ്റി കൺവീനർ ഫൈസൽ കൊണ്ടോട്ടി നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.