കേളി അസീസിയ ഏരിയ സമ്മേളന ലോഗോ പ്രകാശന ചടങ്ങ്
റിയാദ്: കേളി കലാസാംസ്കാരിക വേദിയുടെ 11ാമത് കേന്ദ്ര സമ്മേളനത്തോടനുബന്ധിച്ചു നടക്കുന്ന ആറാമത് അസീസിയ ഏരിയ സമ്മേളനത്തിന്റെ ലോഗോ പ്രകാശനം ചെയ്തു. അസീസിയ മനാഹ് യൂനിറ്റ് പരിധിയിൽ നടന്ന ചടങ്ങിൽ സമ്മേളന സംഘാടക സമിതി ചെയർമാൻ റഫീഖ് അരിപ്ര അധ്യക്ഷത വഹിച്ചു.
കേളി രക്ഷാധികാരി സമിതി അംഗം സുരേന്ദ്രൻ കൂട്ടായി, ഏരിയ രക്ഷാധികാരി സെക്രട്ടറി ഹസൻ പുന്നയൂർ എന്നിവരുടെ സാന്നിധ്യത്തിൽ സമ്മേളന സംഘാടക സമിതി കൺവീനർ ഷാജി റസാഖ് ലോഗോ പ്രകാശനം ചെയ്തു. ഏരിയ രക്ഷാധികാരി സമിതി അംഗങ്ങളായ ലജീഷ്, സുഭാഷ് എന്നിവരും ചടങ്ങിൽ പങ്കെടുത്തു.
ഏരിയ സമ്മേളനത്തിന്റെ ഭാഗമായി റിയാദിലെ പ്രമുഖ ടീമുകളെ പങ്കെടുപ്പിച്ചുകൊണ്ട് ജൂലൈ 14ന് ഏകദിന സെവൻസ് ഫുട്ബാൾ ടൂർണമെന്റ്, 22ന് ആനുകാലിക വിഷയത്തിൽ സെമിനാർ, പ്രവാസികൾക്കായി നോർക്ക രജിസ്ട്രേഷൻ എന്നിവ നടത്തുമെന്നും സമ്മേളന സംഘാടക സമിതി ഭാരവാഹികൾ അറിയിച്ചു. ഏരിയ ആക്ടിങ് സെക്രട്ടറി സുധീർ സ്വാഗതവും ജോ. കൺവീനർ ലജീഷ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.