റിയാദ്: പ്രവാസത്തിന്റെ പെരുന്നാൾ ഓർമകളെ അടയാളപ്പെടുത്താനും അത് കാലത്തിന്റെ ചെപ്പിനുള്ളിൽ മനോഹരമായി സൂക്ഷിക്കാനും ലുലുവും മി ഫ്രൻഡ് ആപ്പും ഒരുക്കുന്ന ഈദ് മെഹ്ഫിലിന് ഇനി ഏതാനും ദിവസങ്ങൾ മാത്രം. സൗദിയിലെ മൂന്നു പ്രധാന നഗരികളിൽ നടക്കുന്ന പരിപാടികൾ പെരുന്നാളിന്റെ സന്തോഷവും സൗഹൃദത്തിന്റെ ഊഷ്മളതയും പങ്കുവെക്കുന്നതായിരിക്കും. ഈദിന്റെ സ്നേഹസൗഹൃദങ്ങൾ അനാവരണം ചെയ്യുന്ന സെൽഫി, കൈകളിൽ വർണച്ചേലുകൾ വിസ്മയം തീർക്കുന്ന മെഹന്ദി ഫെസ്റ്റിവൽ എന്നിവയാണ് പ്രധാന മത്സരങ്ങൾ. മെഹന്ദി മത്സരത്തിൽ പങ്കെടുക്കാൻ ആഗ്രഹിക്കുന്നവർ പേര്, മൈലാഞ്ചിയണിഞ്ഞ ഫോട്ടോ, പങ്കെടുക്കുന്ന മേഖല (ദമ്മാം, ജിദ്ദ, റിയാദ്) എന്നിവ 00966566237698 എന്ന നമ്പറിലേക്ക് വാട്സ് ആപ്പിലൂടെ ഏപ്രിൽ 15ന് മുമ്പായി അയക്കണം. തെരഞ്ഞെടുക്കപ്പെടുന്നവർ അതത് സ്ഥലങ്ങളിലെ വേദികളിൽ വൈകുന്നേരം 4.30ന് നടക്കുന്ന ലൈവ് മത്സരത്തിൽ പങ്കെടുക്കണം. വിദഗ്ധ പാനലിന്റെ മൂല്യനിർണയത്തിന് ശേഷം വിജയികളെ പ്രഖ്യാപിക്കും.
പ്രിയപ്പെട്ടവരുടെ കൂടെ പെരുന്നാളിനെടുത്ത സെൽഫി ചിത്രം നിങ്ങളുടെ സോഷ്യൽ മീഡിയ പ്ലാറ്റ്ഫോമിൽ @MeFriendApp ടാഗ് ചെയ്ത് #eidmehfil #mefriendapp എന്നീ ഹാഷ്ടാഗോടെ പോസ്റ്റ് ചെയ്യുക. പോസ്റ്റിനൊപ്പം പങ്കെടുക്കാൻ ആഗ്രഹിക്കുന്ന മേഖല (ദമ്മാം, ജിദ്ദ, റിയാദ്) കൂടെ ചേർക്കുക.
ഉദാ: #EidmehfilDammam, #EidmehfilJeddah #EidmehfilRiyadh ഏപ്രിൽ 15 വരെയാണ് സമയം. വിവരങ്ങൾക്ക് 0509559576974 നമ്പറിൽ ബന്ധപ്പെടാം. വിജയികൾക്കുള്ള സമ്മാനങ്ങൾ ഈദ് മെഹ്ഫിലിൽ വിതരണം ചെയ്യും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.