മദീന: ചികിത്സക്കായി ആശുപത്രിയിൽ പ്രവേശിപ്പിച്ച യുവാവിെൻറ ഭാര്യയെയും കുഞ്ഞിനെയും താമസസ്ഥലത്ത് മരിച്ച നിലയിൽ കണ്ടെത്തിയ സംഭവത്തിൽ തുടർനടപടി വൈകും. കോഴിക്കോട് കൊയിലാണ്ടി സ്വദേശി ബിജുവിെൻറ ഭാര്യ മണിപ്പൂർ സ്വദേശിനി ലക്ഷ്മി ദേവി, ഇവരുടെ ആറു മാസം പ്രായമായ കുഞ്ഞ് എന്നിവരെയാണ് കഴിഞ്ഞ ദിവസം താമസസ്ഥലത്ത് മരിച്ച നിലയിൽ കണ്ടെത്തിയത്.
മൂക്കിന് രോഗം വന്നത് ചികിൽസിക്കാനായി ദിവസങ്ങൾക്കു മുമ്പ് ആശുപത്രിയിൽ പ്രവേശിപ്പിച്ച ബിജുവിന് ഇപ്പോൾ കോവിഡ് രോഗം ബാധിച്ചതായി പറയപ്പെടുന്നു. ഇദ്ദേഹം വെൻറിലേറ്ററിൽ അത്യാസന്ന നിലയിലാണെന്നാണറിയുന്നത്. ഈ കുടുംബത്തോടൊപ്പം താമസിച്ചിരുന്ന ബിജുവിെൻറ എഴുപത് വയസ് പ്രായമായ അമ്മയും ഇപ്പോൾ അടിയന്തര ചികിത്സക്കായി ആശുപത്രിയിൽ ആണ്. ഇവർക്ക് കൃത്യമായി സംസാരിക്കാൻ സാധിക്കാത്ത സാഹചര്യമാണുളളത്.
ബിജുവോ അദ്ദേഹത്തിെൻറ മാതാവോ സംസാരിക്കാൻ ആരംഭിച്ചാൽ മാത്രമേ മരിച്ച യുവതിയുടെയും കുഞ്ഞിെൻറയും സംസ്കാര നടപടികളുമായി മുന്നോട്ട് പോവാൻ കഴിയൂ എന്നതാണാവസ്ഥ. അതുവരെ ഇവരുടെ മൃതദേഹം മീഖാത്ത് ആശുപത്രി മോർച്ചറിയിൽ സൂക്ഷിക്കും. തുടർനടപടികൾക്കായി മദീനയിലെ സാമൂഹ്യപ്രവർത്തകർ രംഗത്തുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.