മ​ക്‌​സൂ​റ അ​ൽ രാ​ജി​ഹി : ഖ​സീം പ്ര​വി​ശ്യ​യു​ടെ കാ​ർ​ഷി​ക പെ​രു​മ​ക്ക്​ ച​രി​ത്ര​ത്തി​െൻറ ജ​ല​സ്​​പ​ർ​ശം

ബു​റൈ​ദ: പ​ര​മ്പ​രാ​ഗ​ത ക​ര​കൗ​ശ​ല വൈ​ദ​ഗ്​​ധ്യ​ത്തി​ലും കാ​ർ​ഷി​ക വി​ഭ​വ സ​മ്പ​ന്ന​ത​യി​ലും ലോ​ക​മെ​മ്പാ​ടും പ്ര​സി​ദ്ധ​മാ​ണ് സൗ​ദി അ​റേ​ബ്യ​യി​ലെ അ​ൽ ഖ​സീം പ്ര​വി​ശ്യ. മ​ണ്മ​റ​ഞ്ഞ ഒ​രു ഗ​ത​കാ​ല ശേ​ഷി​പ്പ് ത​ന​താ​യ രീ​തി​യി​ൽ സം​ര​ക്ഷി​ക്ക​പ്പെ​ടു​ന്ന​തി​ലൂ​ടെ ജ​ന​ശ്ര​ദ്ധ​യാ​ക​ർ​ഷി​ക്കു​ക​യാ​ണ് ഖ​സീ​മി​ലെ ബു​ഖൈ​രി​യ​ക്ക​ടു​ത്തു​ള്ള 'മ​ക്‌​സൂ​റ അ​ൽ രാ​ജി​ഹി' എ​ന്ന​റി​യ​പ്പെ​ടു​ന്ന അ​ൽ രാ​ജി​ഹി ജ​ല​സേ​ച​ന മ്യൂ​സി​യം. ബു​റൈ​ദ​യി​ൽ​നി​ന്ന് 40 കി​ലോ​മീ​റ്റ​ർ അ​ക​ലെ, സ​ദാ​സ​മ​യ​വും ഒ​ഴു​കി​ക്കൊ​ണ്ടി​രി​ക്കു​ന്ന തെ​ളി​നീ​ർ ചാ​ലു​ക​ളോ​ടു​കൂ​ടി​യ ഈ​ന്ത​പ്പ​ന കൃ​ഷി​സ്ഥ​ല​ത്തി​ന് സ​മീ​പ​ത്താ​യാ​ണ് മ​ക്‌​സൂ​റ അ​ൽ രാ​ജി​ഹി സ്ഥി​തി​ചെ​യ്യു​ന്ന​ത്. അ​റ​ബ് ദേ​ശ​ങ്ങ​ളി​ൽ ഉ​പ​യോ​ഗി​ച്ചി​രു​ന്ന പു​രാ​ത​ന കാ​ർ​ഷി​ക ജ​ല​സേ​ച​ന മാ​തൃ​ക​യാ​ണ് ഇ​വി​ട​ത്തെ ഏ​റ്റ​വും പ്ര​ധാ​ന ആ​ക​ർ​ഷ​ണം. ഒ​ട്ട​ക​ങ്ങ​ളെ ഉ​പ​യോ​ഗി​ച്ച്, നി​റ​യെ പാ​റ​ക​ൾ നി​റ​ഞ്ഞ വ​ലി​യൊ​രു കി​ണ​റി​ൽ നി​ന്ന് ക​യ​റും മ​ര​ത്തി​െൻറ ക​പ്പി​യും ഉ​പ​യോ​ഗി​ച്ച് കൃ​ഷി​സ്ഥ​ല​ത്തേ​ക്ക് വെ​ള്ളം എ​ത്തി​ക്കു​ന്ന പു​രാ​ത​ന കാ​ർ​ഷി​ക ജ​ല​സേ​ച​ന മാ​തൃ​ക വി​സ്​​മ​യം കൊ​ള്ളി​ക്കു​ന്ന കാ​ഴ്ച​യാ​ണ്.

ജ​ല​സേ​ച​ന​ത്തി​നാ​യി ഉ​പ​യോ​ഗി​ച്ചി​രു​ന്ന ഈ ​കി​ണ​ർ അ​ക്കാ​ല​ത്ത് ഈ ​പ്ര​ദേ​ശ​ത്തു​ള്ള​വ​യി​ൽ​െ​വ​ച്ച് ഏ​റ്റ​വും വ​ലി​യ കി​ണ​റാ​യി​രു​ന്നു​വെ​ന്ന് പ​റ​യ​പ്പെ​ടു​ന്നു. കൂ​ടാ​തെ, പ​ണ്ടു​കാ​ല​ങ്ങ​ളി​ൽ ഈ​ന്ത​പ്പ​ഴം ഉ​ൾ​പ്പെ​ടെ​യു​ള്ള ഭ​ക്ഷ്യ കാ​ർ​ഷി​ക വി​ഭ​വ​ങ്ങ​ൾ സൂ​ക്ഷി​ച്ചി​രു​ന്ന പ്ര​ത്യേ​ക​ത​രം മ​ണ്ണ​റ​ക​ൾ, മ​ൺ​വീ​ട്, പ്രാ​ർ​ഥ​നാ​ല​യം എ​ന്നി​വ അ​തേ​പ​ടി സം​ര​ക്ഷി​ച്ചി​രി​ക്കു​ന്നു. പ്ര​ത്യേ​ക​ത​രം മ​ണ്ണും ഈ​ന്ത​പ്പ​ന​യു​ടെ അ​സം​സ്കൃ​ത വ​സ്തു​ക്ക​ളും ത​ടി​യും ഉ​പ​യോ​ഗി​ച്ച് നി​ർ​മി​ച്ച​താ​ണ് ഇ​വി​ടെ​യു​ള്ള ഇ​രു​നി​ല മ​ൺ​വീ​ടും അ​തി​ന് സ​മീ​പ​ത്തു​ള്ള പ്രാ​ർ​ഥ​നാ​ല​യ​വും. ച​തു​രാ​കൃ​തി​യി​ലു​ള്ള ഈ ​മ​ൺ​വീ​ടി​െൻറ താ​ഴ​ത്തെ നി​ല അ​തി​ഥി സ​ൽ​ക്കാ​ര​ങ്ങ​ൾ​ക്കും കാ​ർ​ഷി​ക വി​ഭ​വ​ങ്ങ​ൾ സൂ​ക്ഷി​ക്കു​ന്ന​തി​നാ​യും മു​ക​ളി​ല​ത്തേ​ത് കു​ടും​ബാം​ഗ​ങ്ങ​ൾ താ​മ​സി​ക്കാ​നാ​യും ഉ​പ​യോ​ഗി​ച്ചി​രു​ന്നു. പ്രാ​ർ​ഥ​നാ​ല​യ​ത്തി​ന് പ്ര​ധാ​ന​മാ​യും ര​ണ്ട് ഭാ​ഗ​ങ്ങ​ളാ​ണ് ഉ​ള്ള​ത്.

ശൈ​ത്യ​കാ​ല​ത്തും മ​ഴ​ക്കാ​ല​ത്തും പ്രാ​ർ​ഥ​ന ന​ട​ത്തു​ന്ന​തി​നാ​യു​ള്ള അ​ട​ച്ചി​ട്ട ഭാ​ഗ​വും വേ​ന​ൽ​ക്കാ​ല​ങ്ങ​ളി​ൽ ഉ​പ​യോ​ഗി​ക്കു​ന്ന​തി​നാ​യു​ള്ള ത്രി​കോ​ണാ​കൃ​തി​യി​ലു​ള്ള ജ​നാ​ല​ക​ള​ട​ങ്ങി​യ തു​റ​സ്സാ​യ ഭാ​ഗ​വും. അ​ൽ ഖ​സീ​മി​ലെ പു​രാ​ത​ന മ​നു​ഷ്യ​ർ ക​ര​കൗ​ശ​ല- വാ​സ്തു​വി​ദ്യ​യി​ലു​മൊ​ക്കെ എ​ത്ര​ത്തോ​ളം വൈ​ദ​ഗ്​​ധ്യം പു​ല​ർ​ത്തി​യ​വ​രാ​ണെ​ന്ന് മ​ന​സ്സി​ലാ​ക്കാ​ൻ ന​ജ്ദി വാ​സ്തു​വി​ദ്യ പ്ര​കാ​രം നി​ർ​മി​ച്ച ഈ ​കെ​ട്ടി​ട​ങ്ങ​ൾ നേ​രി​ൽ കാ​ണു​ക​ത​ന്നെ വേ​ണം. ചൂ​ട് കൂ​ടി​യ വ​ര​ണ്ട പ്ര​ദേ​ശ​മാ​യ​തി​നാ​ൽ അ​ത്ത​ര​ത്തി​ലു​ള്ള കാ​ലാ​വ​സ്ഥ​ക്ക്​ അ​നു​യോ​ജ്യ​മാ​യ നി​ർ​മാ​ണ​രീ​തി​യാ​ണ് ന​ജ്ദ് വാ​സ്തു​വി​ദ്യ​യി​ൽ അ​വ​ലം​ബി​ക്കു​ന്ന​ത്. പ​ക​ലും രാ​ത്രി​യും ത​മ്മി​ൽ വ​ള​രെ​യ​ധി​കം കാ​ലാ​വ​സ്ഥ വ്യ​തി​യാ​ന​മു​ള്ള ഇ​ത്ത​രം പ്ര​ദേ​ശ​ങ്ങ​ളി​ൽ ഉ​പ​യോ​ഗി​ച്ചി​രു​ന്ന നി​ർ​മാ​ണ രീ​തി​യാ​ണി​ത്. 70 മു​ത​ൽ 80 വ​രെ സെൻറി​മീ​റ്റ​ർ ക​ട്ടി​യു​ള്ള പു​റം ചു​വ​രു​ക​ളോ​ടു​കൂ​ടി മ​ൺ​ക​ട്ട​ക​ൾ ഉ​പ​യോ​ഗി​ച്ചാ​ണ് കെ​ട്ടി​ട​ങ്ങ​ൾ നി​ർ​മി​ച്ചി​രു​ന്ന​ത്. വീ​ടി​െൻറ തു​റ​സ്സാ​യ മു​ക​ൾ​ഭാ​ഗം ഉ​ഷ്ണ​കാ​ല​ത്തെ രാ​പ്പാ​ർ​ക്ക​ലു​ക​ൾ​ക്ക്​ ഉ​പ​യോ​ഗി​ച്ചി​രു​ന്നു. രാ​ജ്യ​ത്തി​ന​ക​ത്തും പു​റ​ത്തു​നി​ന്നു​മാ​യി ദി​നേ​ന നി​ര​വ​ധി സ​ന്ദ​ർ​ശ​ക​രാ​ണ് ഇ​വി​ടെ എ​ത്തു​ന്ന​ത്. വൈ​കീ​ട്ട് നാ​ല്​ മു​ത​ൽ ആ​റ്​ വ​രെ പൊ​തു​ജ​ന​ങ്ങ​ൾ​ക്ക് സൗ​ജ​ന്യ​മാ​യി സ​ന്ദ​ർ​ശി​ക്കാം. സ​ന്ദ​ർ​ശ​ക​ർ​ക്കാ​യി പ​ര​മ്പ​രാ​ഗ​ത രീ​തി​യി​ലു​ള്ള വി​ശ്ര​മ കേ​ന്ദ്ര​വും ഇ​വി​ടെ സ​ജ്ജീ​ക​രി​ച്ചി​രി​ക്കു​ന്നു. പ​ന​യോ​ല​കൊ​ണ്ട് നി​ർ​മി​ച്ച ഈ ​വി​ശ്ര​മ​കേ​ന്ദ്ര​ത്തി​ൽ​നി​ന്നും അ​റേ​ബ്യ​ൻ ഗ​ഹ്​​വ​യും ഈ​ന്ത​പ്പ​ഴ​വും മാ​മൂ​ൽ തു​ട​ങ്ങി​യ പ​ര​മ്പ​രാ​ഗ​ത മ​ധു​ര​പ​ല​ഹാ​ര​ങ്ങ​ളു​ടെ രു​ചി​യും ആ​സ്വ​ദി​ച്ച് ഒ​പ്പം അ​ൽ​രാ​ജി​ഹി കു​ടും​ബ​ത്തി​െൻറ ആ​തി​ഥ്യ മ​ര്യാ​ദ​യും അ​നു​ഭ​വി​ച്ച് നി​റ​ഞ്ഞ സം​തൃ​പ്തി​യോ​ടെ മ​ട​ങ്ങാം.