റിയാദ്: ജോലിസ്ഥലത്ത് ഫോണിൽ ഭാര്യയുമായി സംസാരിച്ച് നിൽക്കുേമ്പാൾ കുഴഞ്ഞുവീണ് മലയാളി മരിച്ചു. റിയാദ് ശിഫയിലെ കോഫീ ഷോപ്പിൽ ജീവനക്കാരനായ കൊല്ലം കൊട്ടാരക്കര മുസ്ലിം സ്ട്രീറ്റ് സ്വദേശി വാർത്തുണ്ടിൽ പുത്തൻവീട്ടിൽ നജ്മുദ്ദീൻ (46) ആണ് ഹൃദയാഘാതം മൂലം മരിച്ചത്. വെള്ളിയാഴ്ച രാത്രി ഇശാഅ് നമസ്കാരത്തിന് ശേഷം ഷോപ്പിൽ നിന്ന് നാട്ടിലേക്ക് വിളിച്ച് ഭാര്യയുമായി മൊബൈൽ ഫോണിൽ സംസാരിച്ച് നിൽക്കുേമ്പാഴായിരുന്നു സംഭവം. ശാരീരികമായ വൈഷമ്യങ്ങളെ കുറിച്ച് ഭാര്യയോട് പറഞ്ഞയുടനെ ഫോൺ നിശ്ചലമാവുകയായിരുന്നു. തുടർന്ന് ഭാര്യ ദമ്മാമിലുള്ള ബന്ധുവിനെ വിവരമറിയിക്കുകയും അദ്ദേഹം റിയാദിലുള്ള സുഹൃത്തുക്കളെ അറിയിക്കുകയുമായിരുന്നു. അവർ വന്നുനോക്കിയപ്പോൾ ഷോപ്പിനുള്ളിൽ മരിച്ചുകിടക്കുന്നതാണ് കണ്ടത്. പൊലീസെത്തി മൃതദേഹം ശുമൈസി ആശുപത്രി മോർച്ചറിയിലേക്ക് മാറ്റി. പരീതിെൻറയും ഐഷാ കുഞ്ഞുബീവി ജാെൻറയും മകനാണ്. ഭാര്യ: റിൻഷാ മോൾ. ഏകമകൾ നിഹാല. മൃതദേഹം റിയാദിൽ ഖബറടക്കുന്നതിന് മലപ്പുറം ജില്ല കെ.എം.സി.സി വെൽഫയർ വിങ് ചെയർമാൻ റഫീഖ് മഞ്ചേരിയുടെ നേതൃത്വത്തിൽ പ്രവർത്തകർ രംഗത്തുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.