റിയാദ്: റിയാദിലെ കോഴിക്കോട്ടുകാരുടെ കൂട്ടായ്മയായ കോഴിക്കോടൻസ് സംഘടിപ്പിക്കുന്ന മെഗാ ഈവൻറ് ‘മൊഹബത്ത് നൈറ്റ്’ ഫെബ്രുവരി 24ന് റിയാദിൽ നടക്കും. പ്രമുഖ ഗായകരായ റിമി ടോമിയും വിധു പ്രതാപും നയിക്കുന്ന സംഗീത പരിപാടിയാണ് മുഖ്യം. പരിപാടിയുടെ പോസ്റ്റർ പ്രകാശനം റിയാദിലെ അൽമാസ് ഓഡിറ്റോറിയത്തിൽ നടന്നു. കോഴിക്കോടൻസ് ചീഫ് ഓർഗനൈസർ മുഹിയുദ്ദീൻ സഹീർ, സംഘാടക സമിതി ചെയർമാൻ ഹർഷദ് ഫറോക്ക്, ജനറൽ കൺവീനർ റാഫി കൊയിലാണ്ടി, ഫിനാൻസ് കമ്മിറ്റി ചെയർമാൻ വി.കെ.കെ. അബ്ബാസ് എന്നിവർ ചേർന്ന് പ്രകാശനം നിർവഹിച്ചു. കുറഞ്ഞ കാലംകൊണ്ട് സാമൂഹിക, വൈജ്ഞാനിക രംഗത്ത് വേറിട്ട കാൽവെപ്പ് നടത്തിയ സംഘടനയാണ് കോഴിക്കോടൻസ് എന്ന് ഭാരവാഹികൾ പറഞ്ഞു. പ്രോഗ്രാം കമ്മിറ്റി കൺവീനർ കബീർ നല്ലളം സ്വാഗതവും ട്രഷറർ കെ.സി. ഷാജു നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.