റിയാദ് ഒ.ഐ.സി.സി തൃശൂർ ജില്ല കമ്മിറ്റി സംഘടിപ്പിച്ച മുഹമ്മദ് അബ്ദുറഹ്മാൻ സാഹിബ് അനുസ്മരണത്തിൽ കെ.പി.സി.സി ജനറൽ സെക്രട്ടറി അഡ്വ. പി.എ. സലീം സംസാരിക്കുന്നു
റിയാദ്: സ്വാതന്ത്ര്യസമര സേനാനിയും മുൻ കെ.പി.സി.സി പ്രസിഡൻറുമായ മുഹമ്മദ് അബ്ദുറഹ്മാൻ സാഹിബിനെ അനുസ്മരിച്ച് റിയാദ് ഒ.ഐ.സി.സി തൃശൂർ ജില്ല കമ്മിറ്റി സമ്മേളനം സംഘടിപ്പിച്ചു. ബത്ഹ ലൂഹ ഓഡിറ്റോറിയത്തിൽ നടന്ന പരിപാടിയിൽ സീനിയർ നേതാവ് യഹ്യ കൊടുങ്ങല്ലൂർ ആമുഖപ്രഭാഷണം നടത്തി. ജില്ല പ്രസിഡൻറ് സുരേഷ് ശങ്കർ അധ്യക്ഷത വഹിച്ചു. കെ.പി.സി.സി ജനറൽ സെക്രട്ടറി അഡ്വ. പി.എ. സലീം അനുസ്മരണ പ്രഭാഷണം നടത്തി. കറകളഞ്ഞ മതവിശ്വാസിയും അതോടൊപ്പം തികഞ്ഞ മതേതരവാദിയുമായിരുന്നു അബ്ദുറഹ്മാൻ സാഹിബ് എന്നും സ്വാതന്ത്ര്യസമര കാലഘട്ടത്തിലെ അദ്ദേഹത്തിന്റെ സംഭാവനകൾ വിലമതിക്കാൻ ആകാത്തതാണെന്നും അദ്ദേഹം പറഞ്ഞു.
സെൻട്രൽ കമ്മിറ്റി പ്രസിഡൻറ് കുഞ്ഞി കുമ്പള ഉദ്ഘാടനം ചെയ്തു. സെൻട്രൽ കമ്മിറ്റി ഭാരവാഹികളായ സലിം കളകര, അബ്ദുല്ല വല്ലാഞ്ചിറ, സിദ്ദീഖ് കല്ലുപറമ്പൻ, കോഴിക്കോട് ജില്ല പ്രസിഡൻറ് എം.ടി. അർഷാദ്, ജില്ല ഭാരവാഹി ജയൻ കൊടുങ്ങല്ലൂർ എന്നിവർ സംസാരിച്ചു. ജില്ല സെക്രട്ടറി ജമാൽ അറക്കൽ സ്വാഗതവും ട്രഷറർ രാജേഷ് ചേലക്കര നന്ദിയും പറഞ്ഞു. സോണി പാറക്കൽ, രാജു തൃശൂർ, തൽഹത്, ഗഫൂർ ചെന്ത്രാപ്പിന്നി, ഇബ്രാഹിം ചേലക്കര, സെയ്ഫ് റഹ്‌മാൻ, സലാം, മുസ്തഫ, ഷാനവാസ്‌, സഞ്ജു എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.