ദമ്മാം: ദമ്മാമിൽ സംഗീത മഴ ആസ്വദിക്കാനും ഒപ്പം വയനാട്ടിലെ റിസോർട്ടിൽ ഉല്ലസിക്കാനും അവസരം. ‘മഴയുടെ പശ്ചാത്തലത്തിൽ പാട്ടാസ്വാദനം’ എന്ന എന്ന തീമിൽ ഗൾഫ് മാധ്യമം ദമ്മാമിൽ ഒരുക്കുന്ന ‘റെയ്നി നൈറ്റ്’ സംഗീത നിശയുടെ പ്രവേശന ടിക്കറ്റ് സ്വന്തമാക്കുന്നവർക്കാണ് അതുല്യമായ ഈ ഓഫർ. ഉയർന്ന നിരക്കിലെ ടിക്കറ്റ് എടുക്കുന്നവർക്കാണ് പുതിയ ഓഫറുകൾ പ്രഖ്യാപിച്ചിരിക്കുന്നത്. സംഗീത പരിപാടിക്ക് ദിവസങ്ങൾ മാത്രം ശേഷിക്കെ ആസ്വാദകർക്ക് ഇരട്ടി മധുരം നൽകുന്നതാണ് പുതിയ ഓഫർ.
പ്ലാറ്റിനം കാറ്റഗറി കോംബോ ടിക്കറ്റ് (നാല് പേർക്ക്) എടുത്താൽ വയനാട് മേപ്പിൾ ആഷ് റിസോട്ടിൽ നാലുപേർക്ക് (രണ്ട് മുതിർന്നവരും രണ്ട് കുട്ടികളും) ഒരു രാത്രി തങ്ങുന്നതിനുള്ള 17,500 രൂപയുടെ വൗച്ചർ സൗജന്യമായി ലഭിക്കും. വൗച്ചറിന് ഒരു വർഷം വരെ സാധുതയുണ്ടായിരിക്കും. റിസോർട്ടിനെ കുറിച്ച് www.mapleashresort.com എന്ന സൈറ്റ് സന്ദർശിക്കുക.
ഗോൾഡ് കാറ്റഗറിയിൽ (നാല് പേർക്ക്) കോംബോ ടിക്കറ്റ് എടുക്കുന്നവർക്ക് 100 സൗദി റിയാലിെൻറ ഫുഡ് ഡിസ്കൗണ്ട് വൗച്ചർ സൗജന്യമായി ലഭിക്കും.
റെയ്നി നൈറ്റ് അരങ്ങേറാൻ ദിവസങ്ങൾ മാത്രം ശേഷിക്കേ ടിക്കറ്റ് കൗണ്ടറുകളിൽ ലഭിക്കുന്നത് മികച്ച പ്രതികരണമാണ്. വ്യാഴം, വെള്ളി, ശനി ദിവസങ്ങളിൽ ദമ്മാം, ഖോബാർ എന്നിവിടങ്ങളിലെ ലുലു ഹൈപ്പർ മാർക്കറ്റുകളിൽ ടിക്കറ്റ് കൗണ്ടറുകൾ ഒരുക്കിയിരുന്നു. മലയാളികളടക്കം നിരവധി കുടുംബങ്ങളും ബാച്ച്ലേഴ്‌സും വിവരങ്ങൾ അന്വേഷിക്കുകയും ടിക്കറ്റുകൾ സ്വന്തമാക്കുകയും ചെയ്തു. ‘ഗൾഫ് മാധ്യമ’ത്തിെൻറ പ്രത്യേക കൗണ്ടർ വഴിയാണ് ടിക്കറ്റ് വിൽപന തുടരുന്നത്.
ഖോബാറിലെ പ്രധാന സൂപ്പർ മാർക്കറ്റായ യൂനിവൈഡ്, സൽക്കാര റസ്റ്റാറൻറ്, കറി ഹൗസ് റസ്റ്റാറൻറ്, സൂപ്പർമാർക്കറ്റ് എന്നിവിടങ്ങളിൽ ടിക്കറ്റുകൾ ലഭിക്കും. ഉയർന്ന നിരക്കിലുള്ള ടിക്കറ്റായ റെഡ് കാർപെറ്റിെൻറ വിൽപന കഴിഞ്ഞ ദിവസവും സജീമായി നടന്നു. റെഡ ഹസാർഡ് കണ്ട്രോൾ ബിസിനസ് യൂനിറ്റ് ഡയറക്ടർ അബ്ദുറഹ്മാൻ മാഹിൻ, മെഴ്സി കോർപ്‌സ് എക്‌സിക്യൂട്ടീവ് അംഗം അനസ് അബ്ദുൽ അസീസിനും കോർപ്‌സ് അംഗം അബ്ദുൽ നൗഷാദിനും ടിക്കറ്റുകൾ കൈമാറി. ദമ്മാമിലും ടൊയോട്ട ഏരിയയിലും ഖോബാറിലും ടിക്കറ്റ് വിൽപന സജീവമായി തുടരുന്നു.
ഈ മാസം ഒമ്പതിന് അൽഖോബാർ സിഗ്‌നേച്ചർ ഹോട്ടലിലെ വിശാലമായ ഹാളിലാണ് റെയ്നി നൈറ്റ് സംഗീത പരിപാടി അരങ്ങേറുന്നത്. പ്രമുഖ സിനിമാ താരവും ദേശീയ പുരസ്‌കാര ജേതാവുമായ അപർണ ബാലമുരളി, മുൻനിര സംഗീത സംവിധായകൻ സ്റ്റീഫൻ ദേവസ്യ, യുവഗായകരിൽ ശ്രദ്ധേയരായ സൂരജ് സന്തോഷ്, നിത്യ മാമൻ, അക്ബർ ഖാൻ, ക്രിസ്റ്റകല, ശ്രീജിഷ് എന്നിവരോടൊപ്പം സെലിബ്രിറ്റി അവതാരകൻ മിഥുൻ രാമേഷുമാണ് വേദിയിൽ അണിനിരക്കുന്നത്. ബാച്ചിലേഴ്സിനും കുടുംബങ്ങൾക്കും സൗകര്യപ്രദമായി പരിപാടി ആസ്വദിക്കാൻ കഴിയും വിധത്തിലാണ് സീറ്റുകൾ ക്രമീകരിക്കുന്നത്. പരിപാടിയെ സംബന്ധിച്ച് കൂടുതൽ അറിയുന്നതിനും ടിക്കറ്റുകൾക്കും 0559280320, 0504507422 എന്നീ നമ്പറുകളിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.