മക്കയിലെ പ്രവാസം അവസാനിപ്പിക്കുന്ന ഫെമി ശ്യാമിനും കുടുംബത്തിനും ഒ.ഐ.സി.സി മക്ക സെൻട്രൽ കമ്മിറ്റി വനിതവിഭാഗം യാത്രയയപ്പ് നൽകിയപ്പോൾ.
മക്ക: അയർലൻഡിൽ ജോലി ലഭിച്ചതിനെ തുടർന്ന് മക്കയിലെ പ്രവാസം അവസാനിപ്പിക്കുന്ന ഒ.ഐ.സി.സി മക്ക സെൻട്രൽ കമ്മിറ്റി വനിതവിങ് കോഓഡിനേറ്ററും, സെൻട്രൽ കമ്മിറ്റി മെഡിക്കൽ വിങ് അംഗവും, ഹജ്ജ് സന്നദ്ധ സേവന രംഗത്തെ സജീവസാന്നിധ്യവുമായിരുന്ന ഫെമി ശ്യാമിന് ഒ.ഐ.സി.സി മക്ക സെൻട്രൽ കമ്മിറ്റി വനിതവിഭാഗം യാത്രയയപ്പ് നൽകി. ഫെമിയും കുടുംബവും ഹജ്ജ് സന്നദ്ധ സേവനരംഗത്ത് മറ്റുള്ളവർക്കെല്ലാം മാതൃകയായിരുന്നു.മക്കയുടെ മണ്ണിൽ അല്ലാഹുവിന്റെ അതിഥികൾക്ക് നൽകിയ സേവനങ്ങൾക്കുള്ള നന്ദിയും കടപ്പാടും യോഗത്തിൽ സംസാരിച്ചവർ രേഖപ്പെടുത്തി. ഒ.ഐ.സി.സി മക്ക സെൻട്രൽ കമ്മിറ്റി ജന. സെക്രട്ടറി നിസാ നിസാം ത്രിവർണ ഷാൾ അണിയിച്ച് അവരെ ആദരിച്ചു.
സെൻട്രൽ കമ്മിറ്റി സെക്രട്ടറി ഷീമാ നൗഫൽ ഫലകവും സെൻട്രൽ കമ്മിറ്റി സെക്രട്ടറി റോഷ്‌ന നൗഷാദ് ഉപഹാരവും നൽകി. ചടങ്ങിന് ഒ.ഐ.സി.സി മക്ക സെൻട്രൽ കമ്മിറ്റി വനിതവിഭാഗം നേതാക്കളായ ഷബാന ഷാനിയാസ്, മിസരിയ്യ റഫീഖ്, ബദരിയ്യ നൗഷാദ്, ഷീബ സെയ്ദ്, സഫീന എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.