ജിദ്ദ സനാഇയ ഏരിയ ഒ.ഐ.സി.സി അംഗത്വ കാമ്പയിൻ നൗഷാദ് അടൂർ ഉദ്ഘാടനം ചെയ്യുന്നു
ജിദ്ദ: കെ.പി.സിസി നിർദ്ദേശപ്രകാരം നടക്കുന്ന ഒ.ഐ.സി.സി അംഗത്വ കാമ്പയിന് ജിദ്ദ സനാഇയ ഏരിയാ കമ്മിറ്റിയിലും തുടക്കം. പ്രസിഡന്റ് അനിയൻ ജോർജ്ജിന് അംഗത്വ ഫോറം നൽകികൊണ്ട് ആക്റ്റിംങ് പ്രസിഡന്റ് നൗഷാദ് അടൂർ കാമ്പയിൻ ഉദ്ഘാടനം ചെയ്തു. പ്രവർത്തക കൺവെൻഷൻ ജനറൽ സെക്രട്ടറി സാക്കിർ ഹുസൈൻ എടവണ്ണ ഉദ്ഘാടനം ചെയ്തു.
രാഹുൽ ഗാന്ധി നയിക്കുന്ന ഭാരത് ജോഡോ യാത്ര ഭാരതത്തെ ഒന്നായി നിലനിർത്താനും ഐക്യവും അഖണ്ഡതയും കാത്തുസൂക്ഷിക്കാനുമുള്ള പ്രചാരണ യാത്രയാണെന്നും ഈ കാമ്പയിനിലൂടെ അതിനുള്ള പ്രചാരണവും നടത്തണമെന്നും പ്രസംഗകർ അഭിപ്രായപ്പെട്ടു. അനിയൻ ജോർജ് അധ്യക്ഷത വഹിച്ചു. ഗ്ലോബൽ കമ്മിറ്റി അംഗം അലി തേക്കുതോട്, അഗസ്റ്റിൻ ബാബു, മോഹൻദാസ്, അലി എന്നിവർ സംസാരിച്ചു. സജിമോൻ തോമസ് സ്വാഗതവും നവാസ് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.