റിയാദ്: സൗദി അറേബ്യയിൽ പുതുതായി 1966 പേർക്ക് കോവിഡ് സ്ഥിരീകരിച്ചു. അതെസമയം 24 മണിക്കൂറിനുള്ളിൽ 1288 പേർ കൂടി സുഖം പ്രാപിച്ചു. ആകെ കോവിഡ് ബാധിതരുടെ എണ്ണം 41014 ആയപ്പോൾ അതിൽ രോഗമുക്തരുടെ ആകെ എണ്ണം 12737 ആയി വർധിച്ചു.
തിങ്കളാഴ്ച ഒമ്പത് പേരാണ് മരിച്ചത്. രണ്ട് സൗദി പൗരന്മാരും ബാക്കി വിവിധ രാജ്യക്കാരുമാണ്. രണ്ടുപേർ വീതം മക്ക, മദീന എന്നിവിടങ്ങളിലും നാലുപേർ ജിദ്ദയിലും ഒരാൾ ത്വാഇഫിലുമാണ് മരിച്ചത്. ത്വാഇഫിൽ ഇതാദ്യമായാണ് മരണം രേഖപ്പെടുത്തുന്നത്. 27നും 86നും ഇടയിൽ പ്രായമുള്ളവരാണ് മരിച്ചത്.
ചികിത്സയിൽ കഴിയുന്ന 28022 ആളുകളിൽ 149 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിലാണ്. കോവിഡ് ബാധിതരുടെ എണ്ണത്തിൽ സ്വദേശികളുടെ എണ്ണം ഉയരുന്നു. പുതിയ രോഗികളിൽ സൗദി പൗരന്മാരുടെ എണ്ണം 38 ശതമാനമായി. കഴിഞ്ഞ ദിവസം ഇത് 35 ശതമാനമായിരുന്നു. എന്നാൽ അതിന് മുമ്പ് പലേപ്പാഴും 20ശതമാനത്തിനും താഴെയായിരുന്നു. പുതിയ രോഗികളിൽ 78 ശതമാനം പുരുഷന്മാരും 22 ശതമാനം സ്ത്രീകളുമാണെന്ന് ആരോഗ്യമന്ത്രാലയ വക്താവ് ഡോ. മുഹമ്മദ് അബ്ദു അൽഅലി വാർത്താസമ്മേളനത്തിൽ പറഞ്ഞു.
ഏഴ് ശതമാനം കുട്ടികളും നാല് ശതമാനം കൗമാരക്കാരും 89 ശതമാനം മുതിർന്നവരുമാണ്. രാജ്യത്തെ വിവിധ ലാബുകളിലായി ഇതുവരെ 467,369 കോവിഡ് ടെസ്റ്റുകൾ നടന്നു. രോഗം പടർന്ന രാജ്യത്തെ ചെറുതും വലുതുമായ നഗരങ്ങളുടെ എണ്ണം 118 ആയി. രോഗികളെ കണ്ടെത്താൻ ആരോഗ്യ വകുപ്പ് രാജ്യവ്യാപകമായി നടത്തുന്ന ഫീൽഡ് സർവേ 25ാം ദിവസത്തിലേക്ക് കടന്നു.
വീടുകളിലും മറ്റ് താമസകേന്ദ്രങ്ങളിലും ചെന്നുള്ള മെഡിക്കൽ ടീമിെൻറ പരിശോധനയ്ക്ക് പുറമെ ആളുകളെ ഫോൺ ചെയ്ത് വിളിച്ചു വരുത്തി പരിശോധന നടത്തുന്ന റാൻഡം ടെസ്റ്റിങ്ങും നടക്കുന്നു. നാലുപേർ കൂടി മരിച്ചതോടെ ജിദ്ദയിലെ മരണസംഖ്യ 73 ആയി. മക്കയിൽ 106ഉം മദീനയിൽ 39ഉം റിയാദിൽ 15ഉം ആണ്.
പുതിയ രോഗികൾ: റിയാദ് 520, മക്ക 343, മദീന 257, ജിദ്ദ 236, ഹുഫൂഫ് 137, ദമ്മാം 95, ത്വാഇഫ് 71, ഖോബാർ 60, ജുബൈൽ 49, ഹദ്ദ 39, ദറഇയ 25, ഖത്വീഫ് 23, അൽമജാരിദ 15, ബുറൈദ 15, തബൂക്ക് 10, ഹാഇൽ 10, യാംബു 9, ദഹ്റാൻ 8, ഖമീസ് മുശൈത്് 5, സഫ്വ 5, നാരിയ 3, ഉനൈസ 2, ബേയ്ഷ് 2, തുറൈബാൻ 2, അൽഖർജ് 2, അബഹ 1, മഹായിൽ 1, റാസതനൂറ 1, മിദ്നബ് 1, അൽസുഹൻ 1, അൽഖുറുമ 1, ഖുൽവ 1, സബ്യ 1, ഹഫർ അൽബാത്വിൻ 1, ഖുൻഫുദ 1, നജ്റാൻ 1, ദൂമത് അൽജൻഡൽ 1, മൻഫത് അൽഹദീദ 1, ജദീദ അറാർ 1, മുസാഹ്മിയ 1, സുൽഫി 1
മരണസംഖ്യ: മക്ക 106, ജിദ്ദ 73, മദീന 39, റിയാദ് 15, ഹുഫൂഫ് 4, ദമ്മാം 4, അൽഖോബാർ 3, ജുബൈൽ 3, ബുറൈദ 2, ജീസാൻ 1, ഖത്വീഫ് 1, ഖമീസ് മുശൈത്ത് 1, അൽബദാഇ 1, തബൂക്ക് 1, ത്വാഇഫ് 1
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.