‘സൗദി റോഡ് കോഡ്’ ഗതാഗത ലോജിസ്റ്റിക് മന്ത്രി എൻജിനീയർ സ്വാലിഹ് ബിൻ നാസിർ അൽജാസിം ഉദ്ഘാടനം ചെയ്തപ്പോൾ
റിയാദ്: സൗദിയിൽ ‘സൗദി റോഡ് കോഡ്’ പുറത്തിറക്കി. സൗദിയിലെ എല്ലാ മാറ്റങ്ങളും ഭൂപ്രദേശങ്ങളും കണക്കിലെടുത്ത് സൗദി റോഡുകൾക്കായി പ്രത്യേക കോഡ് തയാറാക്കണമെന്ന ആവശ്യത്തെ തുടർന്ന് റോഡ് അതോറിറ്റിക്ക് കീഴിലെ വിദഗ്ധ സംഘമാണ് 18 മാസം വരെ സമയമെടുത്ത് റോഡുകൾക്കായി പ്രത്യേക കോഡ് തയാറാക്കിയത്.
ഇതോടെ മന്ത്രാലയങ്ങൾ, മേഖല വികസന അതോറിറ്റികൾ, നഗര വികസന അതോറിറ്റികൾ, മേഖന കോർപറേഷനുകൾ, നഗരങ്ങളുടെയും ഗവർണറേറ്റുകളുടെയും മുനിസിപ്പാലിറ്റികൾ തുടങ്ങിയ സൗദിയിലെ എല്ലാ തലങ്ങളിലും റോഡുകളുടെ ഉത്തരവാദിത്തമുള്ള അധികാരികളുടെ സാങ്കേതിക റഫറൻസായി ഇത് കണക്കാക്കപ്പെടും.
സൗദി അറേബ്യയിലെ എല്ലാ തരത്തിലുമുള്ള റോഡുകൾ ആസൂത്രണം ചെയ്യുന്നതിനും രൂപകൽപ്പന ചെയ്യുന്നതിനും നടപ്പാക്കുന്നതിനും പ്രവർത്തിപ്പിക്കുന്നതിനും പരിപാലിക്കുന്നതിനും ആവശ്യമായ വിവരങ്ങൾ ആക്സസ് ചെയ്യാൻ അധികാരികളെ പ്രാപ്തരാക്കുന്നതാണിത്. ട്രാഫിക് എൻജിനീയറിങ്, റോഡ് സുരക്ഷ എന്നിവക്കുപുറമേ റോഡുകൾ, പാലങ്ങൾ, തുരങ്കങ്ങൾ എന്നിവ രൂപകൽപ്പന ചെയ്യുന്നതിനും നടപ്പിലാക്കുന്നതിനും പരിപാലിക്കുന്നതിനും ഇത് സഹായിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.