റിയാദിലെത്തിയ പ്രശസ്ത ഗായകൻ ഷഹബാസ് അമനെ നഹ്ദ ഫുട്ബാൾ ക്ലബ് ഭാരവാഹികൾ ചേർന്ന് സ്വീകരിക്കുന്നു
റിയാദ്: മലയാളി ചെറുപ്പക്കാരുടെ കൂട്ടായ്മയായ നഹ്ദ ഫുട്ബാൾ ക്ലബ് ഒന്നാം വാർഷികാഘോഷത്തിെൻറ ഭാഗമായി പ്രശസ്ത ഗായകൻ ഷഹബാസ് അമെൻറ സംഗീത, ഗസൽ സന്ധ്യ വെള്ളിയാഴ്ച റിയാദിൽ അരങ്ങേറും. 'ഷഹബാസ് പാടുന്നു' എന്ന ശീർഷകത്തിൽ വൈകീട്ട് ആറിന് റിയാദ് യർമുഖ് അൽ അംബ്രോതറ പാലസിലാണ് പരിപാടി.
വ്യത്യസ്തമായ ശബ്ദ സൗകുമാര്യവും മികവുറ്റ സംഗീതവും കൊണ്ട് ആസ്വാദക മനസ് കീഴടക്കിയ ഷഹബാസ് അമെൻറ സംഗീത പരിപാടി പ്രവാസികൾക്ക് ആസ്വദിക്കാൻ വിപുല സൗകര്യമാണ് ഒരുക്കിയിരിക്കുന്നതെന്ന് ഭാരവാഹികൾ അറിയിച്ചു. മായാനദി, വെള്ളം, ചാന്തുപൊട്ട് എന്നീ സിനിമകളിലടക്കം അദ്ദേഹം പാടിയ പാട്ടുകളും വേറിട്ട ഗസലുകളും നേരിട്ട് ആസ്വദിക്കാനുള്ള അവസരമാണ് ഒരുക്കിയിരിക്കുന്നത്.
സംഗീത പരിപാടിക്ക് ശേഷം ഫുട്ബൾ പ്രേമികൾക്ക് ബ്രസീലും കാമറോണും മാറ്റുരക്കുന്ന ഫിഫ വേൾഡ് കപ്പ് മത്സരം വലിയ സ്‌ക്രീനിൽ കാണാനുള്ള സൗകര്യവും ഒരുക്കും എന്ന് സംഘടകർ അറിയിച്ചു. കൂടുതൽ വിവരങ്ങൾക്ക് 0534183146 എന്ന നമ്പറിൽ ബന്ധപ്പെടാം. പരിപാടിയിൽ പങ്കെടുക്കുന്നതിനായി ഗായകൻ ഷഹബാസ് അമൻ ബുധനാഴ്ച രാത്രി റിയാദിലെത്തി. സംഘാടകർ വിമാനത്താവളത്തിലെത്തി അദ്ദേഹത്തെ വരവേറ്റു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.