കു​ടും​ബ​ത്തോ​ടൊ​പ്പം രു​ചി​നു​ണ​യാം: അൽ ഖസീമിൽ തേനൂറും മുന്തിരിക്കാലം

ബു​റൈ​ദ: അ​ൽ ഖ​സീം പ്ര​വി​ശ്യ​യി​ൽ ഇ​ത് മു​ന്തി​രി വി​ള​വെ​ടു​പ്പ് കാ​ല​മാ​ണ്. പ്ര​വി​ശ്യ ആ​സ്ഥാ​ന​മാ​യ ബു​റൈ​ദ​യി​ൽ​നി​ന്ന് 100 കി​ലോ​മീ​റ്റ​േ​റാ​ളം അ​ക​ലെ ഹാ​ഇ​ൽ റോ​ഡി​ന് വ​ല​തു​വ​ശ​ത്താ​യി പ​ര​ന്നു​കി​ട​ക്കു​ന്ന മു​ന്തി​രി​പ്പാ​ട​ങ്ങ​ൾ സ​ന്ദ​ർ​ശ​ക​രു​ടെ പ​റു​ദീ​സ​യാ​യി മാ​റു​ക​യാ​ണ്. മു​ന്തി​രി​പ്പാ​ട​ങ്ങ​ളി​ൽ മി​ക്ക​തി​ലും അ​വി​ടെ​യു​ള്ള ജോ​ലി​ക്കാ​രു​ടെ പ്ര​ത്യേ​ക അ​നു​മ​തി​പ്ര​കാ​രം സ​ന്ദ​ർ​ശ​നം അ​നു​വ​ദി​ക്കു​ക​യാ​ണ് പ​തി​വ്. എ​ന്നാ​ൽ, 'മ​സ​റാ​ത്ത് ആ​ലി​യ​ത്തു​ൽ ഖ​സീം' എ​ന്ന മു​ന്തി​രി​പ്പാ​ടം, മ​റ്റു വി​ക​സി​ത രാ​ജ്യ​ങ്ങ​ളി​ലെ കൃ​ഷി​ഫാ​മു​ക​ളി​ലെ 'ഫാം ​ടൂ​റി​സം' മാ​തൃ​ക പി​ൻ​പ​റ്റി വി​നോ​ദ​സ​ഞ്ചാ​ര കേ​ന്ദ്രം കൂ​ടി​യാ​യി മാ​റി​യി​രി​ക്കു​യാ​ണ്.

സ​ന്ദ​ർ​ശ​ക​രെ ആ​ക​ർ​ഷി​ക്കാ​ൻ വേ​ണ്ട വി​വി​ധ പ​ദ്ധ​തി​ക​ൾ ഇ​വി​ടെ ന​ട​പ്പാ​ക്കി​യി​ട്ടു​ണ്ട്. പൂ​ർ​ണ​മാ​യും കോ​വി​ഡ് മാ​ന​ദ​ണ്ഡ​ങ്ങ​ൾ പാ​ലി​ച്ച്​ അ​ക​ത്ത് പ്ര​വേ​ശി​ക്കാം. 15 റി​യാ​ൽ ന​ൽ​കി​യാ​ൽ മ​ണി​ക്കൂ​റു​ക​ളോ​ളം തോ​ട്ട​ത്തി​ൽ ചെ​ല​വ​ഴി​ക്കാ​നും തോ​ട്ട അ​ധി​കൃ​ത​രി​ൽ​നി​ന്ന്​ പ​ഴ​ക്കൂ​ട വാ​ങ്ങി നി​റ​യെ മു​ന്തി​രി ശേ​ഖ​രി​ക്കാ​നും അ​നു​വ​ദി​ക്കു​െ​ന്ന​ന്ന​താ​ണ്​ പ്ര​ധാ​ന ആ​ക​ർ​ഷ​ണം. മു​തി​ർ​ന്ന​വ​ർ​ക്കും കു​ട്ടി​ക​ൾ​ക്കും ഒ​രു​പോ​ലെ സ​ന്ദ​ർ​ശ​നം അ​നു​ഭൂ​തി​ദാ​യ​ക​മാ​യി മാ​റു​ന്നു. കാ​ർ​ഷി​ക​വി​ള​ക​ൾ​ക്ക് വി​പ​ണി വി​ല​യെ​ക്കാ​ൾ മൂ​ല്യം ല​ഭി​ക്കു​മെ​ന്ന​ത് ഈ ​രീ​തി​യു​ടെ പ്ര​ധാ​ന പ്ര​ത്യേ​ക​ത​യാ​ണ്. വി​ള​വെ​ടു​പ്പ് കാ​ല​മാ​യ​തി​നാ​ൽ ദി​നേ​ന നൂ​റു​ക​ണ​ക്കി​ന് സ​ന്ദ​ർ​ശ​ക​രാ​ണ് തോ​ട്ട​ത്തി​ൽ എ​ത്തി​ച്ചേ​രു​ന്ന​തെ​ന്ന് അ​ധി​കൃ​ത​ർ പ​റ​ഞ്ഞു. കൃ​ഷി​യു​ടെ പ്രാ​ധാ​ന്യ​വും മ​ഹ​ത്ത്വ​വും പു​തു​ത​ല​മു​റ​ക്ക്​ പ​ക​ർ​ന്നു​കൊ​ടു​ക്കു​ക എ​ന്ന ഉ​ദ്ദേ​ശ്യ​ത്തോ​ടു​കൂ​ടി​യാ​ണ് പ്ര​ത്യേ​കി​ച്ചൊ​രു നി​ഷ്​​ക​ർ​ഷ​യും കൂ​ടാ​തെ ഇ​വി​ടെ സ​ന്ദ​ർ​ശ​ക​രെ അ​നു​വ​ദി​ക്കു​ന്ന​തെ​ന്ന് തോ​ട്ടം ചു​മ​ത​ല​ക്കാ​ര​നാ​യ സ്വ​ദേ​ശി പൗ​ര​ൻ മു​ഹ​മ്മ​ദ് അ​ൽ​ഹു​വ​യ്​​മ​ലി പ​റ​യു​ന്നു.

ജൂ​ൺ മു​ത​ൽ ഒ​ക്ടോ​ബ​ർ വ​രെ​യു​ള്ള മാ​സ​ങ്ങ​ളി​ലാ​ണ് മു​ന്തി​രി വി​ള​വെ​ടു​പ്പ്. അ​ടു​ത്ത​ദി​വ​സം ന​ട​ക്കാ​നി​രി​ക്കു​ന്ന 'ഇ​ന​ബ് മ​ഹ​ർ​ജാ​ൻ' മു​ന്തി​രി​മേ​ള ആ​യി​ര​ങ്ങ​ൾ പ​ങ്കെ​ടു​ക്കു​ന്ന ഉ​ത്സ​വ​മാ​യി മാ​റു​മെ​ന്ന്​ പ്ര​തീ​ക്ഷി​ക്കു​ന്ന​താ​യും മു​ഹ​മ്മ​ദ് അ​ൽ​ഹു​വ​യ്​​മ​ലി കൂ​ട്ടി​ച്ചേ​ർ​ത്തു. ഇ​വി​ടെ​നി​ന്നും 30 കി​ലോ​മീ​റ്റ​ർ അ​ക​ലെ​യു​ള്ള സു​ലൈ​ബി​യ​യി​ലാ​ണ് സ്ഥ​ല​ത്തെ അ​മീ​റി​െൻറ മേ​ൽ​നോ​ട്ട​ത്തി​ൽ അ​ഞ്ചു​ദി​വ​സം നീ​ളു​ന്ന മു​ന്തി​രി ഫെ​സ്​​റ്റി​വ​ൽ സം​ഘ​ടി​പ്പി​ക്കു​ന്ന​ത്. കാ​ർ​ഷി​ക വി​ള​ക​ളാ​ൽ സ​മൃ​ദ്ധ​മാ​യ ഈ ​പ്ര​ദേ​ശ​ത്തേ​ക്ക് കൂ​ടു​ത​ൽ ജ​ന​ശ്ര​ദ്ധ​യാ​ക​ർ​ഷി​ക്കാ​നും പു​തു​ത​ല​മു​റ​ക്ക്​ കാ​ർ​ഷി​ക ബാ​ല​പാ​ഠ​ങ്ങ​ൾ പ​ക​ർ​ന്നു​ന​ൽ​കാ​നും ഇ​ത്ത​രം മേ​ള​ക​ൾ വ​ള​രെ​യ​ധി​കം ഉ​പ​ക​രി​ക്കു​െ​ന്ന​ന്ന് പ്ര​ദേ​ശ​വാ​സി​ക​ൾ അ​ഭി​പ്രാ​യ​പ്പെ​ട്ടു.

ബ്ലാ​ക് മാ​ജി​ക്, ക്രീം ​സോ​ൺ, ബ​ന്നാ​ത്തി അ​ഹ്​​മ​ർ, ബ​ന്നാ​ത്തി അ​ഹ്ള​ർ എ​ന്നീ നാ​ല് മു​ന്തി​രി ഇ​ന​ങ്ങ​ളാ​ണ് പ്ര​ധാ​ന​മാ​യും ഇ​വി​ടെ കൃ​ഷി​ചെ​യ്യു​ന്ന​ത്. കി​ലോ​മീ​റ്റ​റു​ക​ൾ വി​സ്​​തൃ​തി​യു​ള്ള ഈ ​തോ​ട്ട​ത്തി​ൽ വി​വി​ധ​ത​രം മു​ന്തി​രി ഇ​ന​ങ്ങ​ൾ കൂ​ടാ​തെ ഓ​റ​ഞ്ച്, ചെ​റു​നാ​ര​ങ്ങ, ഈ​ത്ത​പ്പ​ഴം തു​ട​ങ്ങി മ​റ്റു പ​ഴം- പ​ച്ച​ക്ക​റി വ​ർ​ഗ​ങ്ങ​ളു​ടെ കൃ​ഷി​യും മ​ത്സ്യ​കൃ​ഷി​യും ചെ​യ്​​തു​പോ​രു​ന്നു. സ​ന്ദ​ർ​ശ​ക​ർ​ക്ക് കു​ടും​ബ​സ​മേ​തം ഈ ​തോ​ട്ട​ത്തി​െൻറ സൗ​ന്ദ​ര്യം ആ​സ്വ​ദി​ക്കാ​നാ​യി ഒ​ട്ടേ​റെ സൗ​ക​ര്യ​ങ്ങ​ളും അ​ധി​കൃ​ത​ർ ഒ​രു​ക്കി​യി​ട്ടു​ണ്ട്.

പ​ര​വ​താ​നി വി​രി​ച്ച വി​ശ്ര​മ​സ്ഥ​ലം കൂ​ടാ​തെ, ഫോ​ട്ടോ, വീ​ഡി​യോ എ​ന്നി​വ പ​ക​ർ​ത്താ​നു​ള്ള സൗ​ക​ര്യ​ങ്ങ​ൾ കൂ​ടി അ​നു​വ​ദ​നീ​യ​മാ​ക്കി​യി​രി​ക്കു​ന്നു. 'മ​സ​റാ​ത്ത് ആ​ലി​യ​ത്തു​ൽ ഖ​സീം' സ​ന്ദ​ർ​ശ​ക​ർ​ക്ക് മു​ന്തി​രി​യു​ടെ തേ​നൂ​റും അ​നു​ഭ​വ​മാ​യി മാ​റും. ക​ണ്ണു​നി​റ​യെ ക​ണ്ടും ഉ​ള്ളു​നി​റ​യെ രു​ചി നു​ണ​ഞ്ഞും ആ​സ്വ​ദി​ക്കാം.