റിയാദില് ചിത്രീകരിക്കുന്ന ‘നജ’ സിനിമയുടെ ലൊക്കേഷനിലെ ഓണാഘോഷം
റിയാദ്: പ്രവാസി മലയാളികൾ റിയാദിൽ ഒരുക്കുന്ന ആദ്യ മുഴുനീള ഫീച്ചർ സിനിമയായ 'നജ'യുടെ അണിയറ പ്രവർത്തകർ ഓണാഘോഷം സംഘടിപ്പിച്ചു.
ചിത്രീകരണ സെറ്റിൽ വിപുലമായ പരിപാടികളോടെയാണ് ആഘോഷിച്ചത്. ഓണക്കളികളും അത്തപ്പൂക്കളവും ഓണസദ്യയുമൊക്കെ ആയിട്ടായിരുന്നു ആഘോഷം. മൂന്ന് പ്രവാസികുടുംബങ്ങളുടെ അതിജീവനത്തിന്റെ കഥപറയുന്ന നജ സിനിമയിൽ പ്രവാസി കലാകാരന്മാരോടൊപ്പം കേരളത്തിൽനിന്നുള്ള പ്രമുഖ നടീനടന്മാരും വേഷമിടുന്നുണ്ട്. മാഗ്നംഓപസ് മീഡിയയുടെ ബാനറിൽ മാധ്യമപ്രവർത്തകനായ ഷംനാദ് കരുനാഗപ്പള്ളിയാണ് സിനിമയുടെ രചനയും സംവിധാനവും നിർവഹിക്കുന്നത്. ആഘോഷപരിപാടികള്‍ക്ക് നിസാര്‍ പള്ളിക്കശ്ശേരില്‍, റഹ്മാന്‍ മുനമ്പത്ത്, ശിഹാബ് കൊട്ടുകാട്, മജീദ്, രാജേഷ് ഗോപാല്‍, ജയിഷ് ജുനൈദ്, അന്‍ഷാദ്, ഷെഫീഖ്, മന്‍സര്‍, സന്തോഷ് ലക്ഷ്മന്‍ എന്നിവര്‍ നേതൃത്വം നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.