പുതുപ്പള്ളി ഉപതെരഞ്ഞെടുപ്പ് യു.ഡി.എഫ് വിജയത്തിൽ യാംബു ഒ.ഐ.സി.സിയുടെ വിജയാഘോഷം
യാംബു: പുതുപ്പള്ളി തെരഞ്ഞെടുപ്പിൽ ചാണ്ടി ഉമ്മന്റെ വിജയം പിണറായിസർക്കാറിന്റെ സാമ്പത്തിക ക്രമക്കേടുകൾക്കും വിലക്കയറ്റത്തിനുമുള്ള ജനങ്ങളുടെ ചുട്ടമറുപടിയാണെന്ന് യാംബു ഒ.ഐ.സി.സി കമ്മിറ്റി അഭിപ്രായപ്പെട്ടു. യാംബു ഒ.ഐ.സി.സി പ്രവർത്തകർ ടൗണിലെ കടകളിലും പൊതുജനങ്ങൾക്കിടയിലും ലഡുവിതരണം ചെയ്ത്‌ ചാണ്ടി ഉമ്മന്റെ വിജയം ആഘോഷിച്ചു. ഉമ്മൻ ചാണ്ടി എന്ന ഹൃദയസ്നേഹിയായ വലിയമനുഷ്യൻ തുടക്കം കുറിച്ച വികസനപ്രവർത്തനങ്ങൾ ഇനി മകൻ ചാണ്ടി ഉമ്മനിലൂടെ പുതുപ്പള്ളിയിൽ തുടരും.
പുതുപ്പള്ളിയിലെ ജനങ്ങൾ കോൺഗ്രസ് പ്രസ്ഥാനത്തെ കൈവിടാൻ തയാറല്ല എന്നതിന്റെ തെളിവാണ് ഈ മികച്ച വിജയം. ചാണ്ടി ഉമ്മന്റെ മികച്ച വിജയത്തിന് ഗ്ലോബൽ ഒ.ഐ.സി.സിയുടെയും യാംബു ഒ.ഐ.സി.സിയുടെയും ആശംസയും അഭിവാദ്യങ്ങളും അർപ്പിച്ചു. പുതുപ്പള്ളിയിലെ തോൽവിയുടെ ജാള്യത മറക്കാൻ സി.പി.എം, ഡി.വൈ.എഫ്.ഐ ഗുണ്ടകൾ പുതുപ്പള്ളിയിലെ കോൺഗ്രസ് അനുഭാവികളുടെ വീടുകൾക്ക് നേരെ കല്ലേറും ആക്രമണം അഴിച്ച് വിട്ട് ആളുകളിൽ പരിഭ്രാന്തി സൃഷ്ടിക്കുകയാണ്.
വി.ടി. ബൽറാം, ഷാഫി പറമ്പിൽ, രാഹുൽ മാങ്കൂട്ടത്തിൽ എന്നിവർക്ക് നേരെയും ആക്രമികൾ കല്ലേറ് നടത്തി. ഇതിൽ ശക്തമായ പ്രതിഷേധം അറിയിക്കുന്നതായി ഒ.ഐ.സി.സി യാംബു ഭാരവാഹികൾ അറിയിച്ചു. വിജയാഘോഷ പരിപാടികൾക്ക് ഒ.ഐ.സി.സി നേതാക്കളായ ശങ്കർ എളങ്കൂർ, അസ്കർ വണ്ടൂർ, സിദ്ദീഖുൽ അക്ബർ, സിജീഷ് കളരിയിൽ, മുജീബ് പൂവ്വച്ചൽ, സൈനുദ്ദീൻ കൂറ്റനാട്, ശഫീഖ്, മുഹമ്മദ് കണ്ണൂർ, ഷമീൽ മമ്പാട്, ഫസൽ പാലക്കതൊടിക, ശരത് എസ്. നായർ, റഹിം സോയാബീൻ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.