സ​ന്ദ​ർ​ശ​ന, ഗാ​ർ​ഹി​ക വി​സ​ക​ൾ ദു​രു​പ​യോ​ഗം ചെ​യ്​​ത്​ ത​ട്ടി​പ്പു​ക​ൾ വ​ർ​ധി​ക്കു​ന്നു

സ​ന്ദ​ർ​ശ​ന, ഗാ​ർ​ഹി​ക വി​സ​ക​ൾ ദു​രു​പ​യോ​ഗം ചെ​യ്​​ത്​ ത​ട്ടി​പ്പു​ക​ൾ വ​ർ​ധി​ക്കു​ന്നു

റി​യാ​ദ്: സൗ​ദി അ​റേ​ബ്യ​യി​ലേ​ക്കു​ള്ള വി​സ ച​ട്ട​ങ്ങ​ൾ ല​ളി​ത​മാ​ക്കി​യ​തും വി​വി​ധ ത​ര​ത്തി​ലു​ള്ള വി​സ​ക​ൾ നി​ല​വി​ൽ വ​ന്ന​തും മ​റ​യാ​ക്കി​ വി​സാ ത​ട്ടി​പ്പു​കാ​ർ വി​ല​സു​ന്നു. തൊ​ഴി​ല​ന്വേ​ഷ​ക​രെ ച​തി​യി​ൽ​പെ​ടു​ത്തു​ന്ന സം​ഭ​വ​ങ്ങ​ൾ വ​ർ​ധി​ക്കു​ന്ന​താ​യി സാ​മൂ​ഹി​ക പ്ര​വ​ർ​ത്ത​ക​ർ പ​റ​യു​ന്നു. ഉം​റ, ടൂ​റി​സ്റ്റ്, ബി​സി​ന​സ് എ​ന്നീ ആ​വ​ശ്യ​ങ്ങ​ൾ​ക്കു​ള്ള സ​ന്ദ​ർ​ശ​ന വി​സ​ക​ളും ഗാ​ർ​ഹി​ക വി​സ​ക​ളും ദു​രു​​പ​യോ​ഗം ചെ​യ്​​താ​ണ്​ റി​ക്രൂ​ട്ടി​ങ്​ ത​ട്ടി​പ്പ്.​ ഇ​തു​പോ​ലെ ച​തി​യി​ൽ​പെ​ട്ട്​ സൗ​ദി​യു​ടെ വി​വി​ധ ഭാ​ഗ​ങ്ങ​ളി​ലെ​ത്തി ദു​രി​ത​ത്തി​ൽ ക​ഴി​യു​ന്ന​ത്​ നി​ര​വ​ധി പേ​രാ​ണെ​ന്ന്​ അ​വ​ർ ചൂ​ണ്ടി​ക്കാ​ട്ടു​ന്നു.

വ​നി​ത​ക​ള​ട​ക്കം ഇ​ങ്ങ​നെ കു​ടു​ങ്ങി​യ നി​ര​വ​ധി​യാ​ളു​ക​ളാ​ണ് പൊ​തു​പ്ര​വ​ർ​ത്ത​ക​രു​ടെ സ​ഹാ​യം അ​ഭ്യ​ർ​ഥി​ച്ചെ​ത്തു​ന്ന​ത്. പ​ശ്ചി​മ​ബം​ഗാ​ൾ സ്വ​ദേ​ശി​യാ​യ യു​വ​തി​യെ ടൂ​റി​സ്റ്റ്​ വി​സ​യി​ൽ സൗ​ദി​യി​ലെ​ത്തി​ച്ച് വീ​ട്ടു​ജോ​ലി​ക്കാ​യി വി​ട്ട​താ​ണ്​ ഒ​രു സം​ഭ​വം. 87 ദി​വ​സം സൗ​ദി​യി​ൽ ത​ങ്ങി​യ യു​വ​തി ഇ​ന്ത്യ​യി​ൽ പോ​യി തി​രി​ച്ചെ​ത്തി.

സൗ​ദി ടൂ​റി​സ്റ്റ്​ വി​സ പ്ര​കാ​രം ഒ​രു വ​ർ​ഷ​ത്തി​ൽ 90 ദി​വ​സം മാ​ത്ര​മേ സൗ​ദി​യി​ൽ നി​ൽ​ക്കാ​ൻ അ​നു​വാ​ദ​മു​ള്ളൂ. എ​ന്നാ​ൽ ഈ ​യു​വ​തി നാ​ട്ടി​ലേ​ക്ക് പോ​കു​മ്പോ​ൾ അ​നു​വ​ദി​ച്ച ദി​വ​സം പൂ​ർ​ത്തി​യാ​ക്കാ​ൻ മൂ​ന്ന് ദി​വ​സം ബാ​ക്കി​യു​ള്ള​ത് കൊ​ണ്ട് തി​രി​ച്ചു​ള്ള വ​ര​വി​ൽ ബു​ദ്ധി​മു​ട്ടു​ക​ളൊ​ന്നു​മു​ണ്ടാ​യി​ല്ല. പി​ന്നീ​ട് അ​ടു​ത്ത 87 ദി​വ​സ​ത്തി​ന് ശേ​ഷം വീ​ണ്ടും പു​റ​ത്തു പോ​കാ​ൻ എ​യ​ർ​പോ​ർ​ട്ടി​ൽ എ​ത്തി​യ​പ്പോ​ഴാ​ണ് പി​ടി​ക്ക​പെ​ടു​ന്ന​ത്. അ​ന​ധി​കൃ​ത​മാ​യി നി​ന്ന ദി​വ​സം ക​ണ​ക്കാ​ക്കി 8,700 സൗ​ദി റി​യാ​ൽ പി​ഴ​യ​ട​ച്ച​തി​ന് ശേ​ഷ​മേ രാ​ജ്യം വി​ടാ​ൻ പ​റ്റു​ക​യു​ള്ളൂ എ​ന്നാ​യി​രു​ന്നു എ​യ​ർ​പോ​ർ​ട്ടി​ലെ ജ​വ​സാ​ത്ത് അ​ധി​കൃ​ത​ർ പ​റ​ഞ്ഞ​ത്.

ഇ​ത്ത​ര​ത്തി​ൽ ടൂ​റി​സ്​​റ്റ്​ വി​സ കാ​ലാ​വ​ധി ക​ഴി​ഞ്ഞ് ത​ങ്ങു​ന്ന ഓ​രോ ദി​വ​സ​ത്തി​നും 100 റി​യാ​ലാ​ണ് പി​ഴ​യീ​ടാ​ക്കു​ന്ന​ത്. എ​ന്നാ​ൽ ഇ​വ​രു​ടെ ക​യ്യി​ൽ പി​ഴ​യ​ട​ക്കാ​നു​ള്ള പ​ണം ഇ​ല്ലാ​തെ റി​യാ​ദി​ൽ ഇ​ന്ത്യ​ൻ എം​ബ​സി​യി​ൽ അ​ഭ​യം തേ​ടു​ക​യാ​യി​രു​ന്നു.

എം​ബ​സി അ​ധി​കൃ​ത​ർ സാ​മൂ​ഹി​ക പ്ര​വ​ർ​ത്ത​ക​രാ​യ സി​ദ്ദീ​ഖ് തു​വ്വൂ​രി​നെ​യും നി​ഹ്​​മ​ത്തു​ല്ല​യെ​യും തു​ട​ർ​ന​ട​പ​ടി​ക​ൾ​ക്ക് ചു​മ​ത​ല​പ്പെ​ടു​ത്തി. ഇ​വ​ർ സാ​ധ്യ​മാ​കു​ന്ന എ​ല്ലാ നി​യ​മ സം​വി​ധാ​ന​ങ്ങ​ളി​ലൂ​ടെ​യും പി​ഴ​യി​ൽ ഇ​ള​വ് കി​ട്ടാ​ൻ ശ്ര​മി​ച്ചെ​ങ്കി​ലും ഫ​ലം ക​ണ്ടി​ല്ല. തു​ട​ർ​ന്ന് പ്ര​വാ​സി വെ​ൽ​ഫെ​യ​ർ റി​യാ​ദ്​ ഘ​ട​കം പ്ര​വ​ർ​ത്ത​ക​രു​ടെ സ​ഹാ​യം തേ​ടി. അ​വ​ർ സ്വ​രൂ​പി​ച്ച്​ ന​ൽ​കി​യ സാ​മ്പ​ത്തി​ക സ​ഹാ​യം കൊ​ണ്ടാ​ണ് പി​ഴ​യൊ​ടു​ക്കി​യും വി​മാ​ന ടി​ക്ക​റ്റെ​ടു​ത്തും യു​വ​തി നാ​ട​ണ​ഞ്ഞ​ത്. ഇ​ത് ഒ​രു ഒ​റ്റ​പ്പെ​ട്ട സം​ഭ​വ​മ​ല്ല. ഇ​ത്ത​ര​ത്തി​ൽ തൊ​ഴി​ൽ വി​സ​യാ​ണെ​ന്ന് തെ​റ്റു​ധ​രി​ച്ച് നി​ര​വ​ധി​യാ​ളു​ക​ളാ​ണ് സൗ​ദി​യി​ലെ​ത്തി കു​ടു​ങ്ങു​ന്ന​ത്. .

ത​ങ്ങ​ൾ ഏ​ത് ത​ര​ത്തി​ലു​ള്ള വി​സ​യി​ലാ​ണ് എ​ത്തി​യി​രി​ക്കു​ന്ന​തെ​ന്ന അ​റി​വ്​ പോ​ലു​മി​ല്ലാ​തെ​യാ​ണ് പ​ല​രും പെ​ട്ടു​പോ​കു​ന്ന​ത്.

ആ​ഴ്ച​ക​ൾ​ക്കു മു​മ്പ്​ ന​ട​ന്ന മ​റ്റൊ​രു സം​ഭ​വ​ത്തി​ൽ തൃ​ശൂ​ർ സ്വ​ദേ​ശി​യാ​യ ഭ​ർ​തൃ​മ​തി​യാ​യ യു​വ​തി​യാ​ണ് ച​തി​യി​ൽ​പെ​ട്ട​ത്. നാ​ട്ടി​ൽ​നി​ന്ന് ഒ​രു ക​മ്പ​നി​യി​ൽ ഓ​ഫിസ് ജോ​ലി വാ​ഗ്ദാ​നം ചെ​യ്ത് യു​വ​തി​യെ സൗ​ദി​യി​ലെ​ത്തി​ച്ച​ത് ഉം​റ വി​സ​യി​ലാ​ണ്. സൗ​ദി​യി​ലെ​ത്തി​യ​പ്പോ​ൾ കൊ​ണ്ടു​വ​ന്ന​യാ​ൾ യു​വ​തി​യോ​ട് അ​പ​മ​ര്യാ​ദ​യാ​യി പെ​രു​മാ​റു​ക​യും അ​നാ​ശാ​സ്യ​ത്തി​ന്ന് മു​തി​രു​ക​യും ചെ​യ്തു. പെ​രു​മാ​റ്റ​ത്തി​ൽ പ​ന്തി​കേ​ട് തോ​ന്നി​യ യു​വ​തി സാ​ഹ​ച​ര്യം മ​ന​സ്സി​ലാ​ക്കി അ​വി​ടെ നി​ന്ന് ര​ക്ഷ​പെ​ട്ട് പ​രി​ച​യ​ക്കാ​ർ വ​ഴി സാ​മൂ​ഹി​ക പ്ര​വ​ർ​ത്ത​ക​രു​മാ​യി ബ​ന്ധ​പ്പെ​ട്ട് നാ​ട്ടി​ലേ​ക്ക് തി​രി​ച്ചു​പോ​യി.

ഒ​രു വ​ർ​ഷ​ത്തെ കാ​ലാ​വ​ധി​യു​ള്ള വി​സ​യെ​ന്ന് തെ​റ്റി​ദ്ധ​രി​പ്പി​ച്ച് വ​ൻ​തു​ക ഈ​ടാ​ക്കി മൂ​ന്നു​മാ​സ​ത്തെ കാ​ലാ​വ​ധി​യു​ള്ള വി​സ​ക​ൾ ന​ൽ​കി​യും ഏ​റെ പേ​ർ വ​ഞ്ചി​ക്ക​പെ​ടു​ന്നു​ണ്ട്. സൗ​ദി​യി​ലി​റ​ങ്ങി മൂ​ന്നു മാ​സ​ത്തെ ഡി​ജി​റ്റ​ൽ ഇ​ഖാ​മ ന​ൽ​കും. അ​തു​ക​ഴി​ഞ്ഞാ​ൽ പി​ന്നീ​ട് മൂ​ന്നു മാ​സം ക​ഴി​യു​മ്പോ​ഴാ​ണ് ച​തി​ക്ക​പ്പെ​ട്ട വി​വ​രം അ​റി​യു​ന്ന​ത്. പി​ന്നീ​ട് വീ​ണ്ടും വ​ൻ​തു​ക ന​ൽ​കി കൊ​ണ്ടു​വേ​ണം മ​റ്റൊ​രു സ്പോ​ൺ​സ​റു​ടെ അ​ടു​ത്തേ​ക്ക് ട്രാ​ൻ​സ്ഫ​ർ ചെ​യ്യാ​ൻ.

ബി​സി​ന​സ് സ​ന്ദ​ർ​ശ​ന വി​സ​ക​ളി​ലെ​ത്തു​ന്ന പ​ല​രും നേ​രി​ടു​ന്ന പ്ര​തി​സ​ന്ധി​യാ​ണ് ‘ഹു​റൂ​ബ്’. മു​മ്പ്​ സ്പോ​ൺ​സ​റു​ടെ അ​ടു​ത്തു നി​ന്ന് ചാ​ടി​പോ​കു​ന്ന തൊ​ഴി​ലാ​ളി​ക​ളെ​യാ​യി​രു​ന്നു ഹു​റൂ​ബ് ആ​ക്കി​യി​രു​ന്ന​ത്. എ​ന്നാ​ൽ ഇ​പ്പോ​ൾ ബി​സി​ന​സ് വി​സി​റ്റി​ലെ​ത്തു​ന്ന പ​ല​രും ഹു​റൂ​ബ് ആ​ക്ക​പെ​ട്ട​തു മൂ​ലം അ​ധി​കൃ​ത​രു​ടെ പി​ടി​യി​ലാ​വു​ക​യാ​ണ്.

ഏ​തെ​ങ്കി​ലും സ്പോ​ൺ​സ​ർ​മാ​രു​ടെ കീ​ഴി​ൽ അ​വ​ര​റി​യാ​തെ ബി​സി​ന​സ് വി​സ​ക​ൾ ഇ​ഷ്യു ചെ​യ്ത് സൗ​ദി​യി​ലെ​ത്തി​ക്കു​ക​യാ​ണ് ചെ​യ്യു​ന്ന​ത്. ഇ​ത്ത​ര​ത്തി​ലെ​ത്തു​ന്ന​വ​ർ അ​ധി​ക​വും തൊ​ഴി​ല​ന്വേ​ഷ​ണ​ത്തി​നാ​യാ​ണ് വ​രു​ന്ന​ത്. ഇ​ങ്ങ​നെ​യെ​ത്തി ഹു​റൂ​ബാ​യി അ​ധി​കൃ​ത​രു​ടെ പി​ടി​യി​ലാ​യ​ത് മ​ല​യാ​ളി​ക​ള​ട​ക്കം നി​ര​വ​ധി​യാ​ളു​ക​ളാ​ണ്. പി​ടി​ക്ക​പ്പെ​ട്ടാ​ൽ കൊ​ണ്ടു​വ​ന്ന ഏ​ജ​ന്‍റ്​ പൂർ​ണ​മാ​യും കൈ​യൊ​ഴി​യും. സ്പോ​ൺ​സ​ർ യാ​തൊ​രു ത​ര​ത്തി​ലും സ​ഹ​ക​രി​ക്കു​ക​യു​മി​ല്ല. പി​ന്നീ​ട് നി​യ​മ​ന​ട​പ​ടി​ക​ൾ ക​ഴി​ഞ്ഞ് നാ​ടു​ക​ട​ത്ത​പ്പെടു​ക​യാ​ണ് ചെ​യ്യു​ന്ന​ത്.

പു​തി​യ വി​സ​ക​ളി​ൽ സൗ​ദി​യി​ലേ​ക്ക് പ​റ​ക്കും മു​മ്പ്​ താ​ൻ ഏ​ത് ത​രം വി​സ​യി​ലാ​ണ് വ​രു​ന്ന​തെ​ന്ന അ​ടി​സ്ഥാ​ന വി​വ​ര​മെ​ങ്കി​ലും മ​ന​സ്സി​ലാ​ക്കി വേ​ണം യാ​ത്ര​ക്കൊ​രു​ങ്ങാ​നെ​ന്ന്​ സാ​മൂ​ഹി​ക പ്ര​വ​ർ​ത്ത​ക​ർ ഓ​ർ​മ​പ്പെ​ടു​ത്തു​ന്നു. വി​സ കാ​ലാ​വ​ധി ക​ഴി​ഞ്ഞ് അ​ധി​കൃ​ത​രു​ടെ പി​ടി​യി​ൽ​പെ​ട്ടാ​ൽ പി​ന്നീ​ടൊ​രി​ക്ക​ലും സൗ​ദി​യി​ലേ​ക്ക് വ​രാ​ൻ പ​റ്റാ​ത്ത രീ​തി​യി​ൽ ആ​യു​ഷ്​​കാ​ല വി​ല​ക്കി​ലാ​യി​​പ്പോ​വു​ക​യും ചെ​യ്യും.