യാംബു റദ്വ ഗൾഫ് യുനീക് ഫുട്ബാൾ ക്ലബ് സംഘടിപ്പിച്ച 'ലാ ഫാമിലിയ 2024' കുടുംബ സംഗമം അബ്ദുൽ കരീം പുഴക്കാട്ടിരി ഉദ്‌ഘാടനം ചെയ്യുന്നു
യാംബു: റദ്വ ഗൾഫ് യുനീക് ഫുട്ബാൾ ക്ലബ് ‘ലാ ഫാമിലിയ 2024’ എന്ന പേരിൽ വിപുലമായ കുടുംബ സംഗമം സംഘടിപ്പിച്ചു. റദ്വ ഗൾഫ് കമ്പനി ഓഡിറ്റോറിയത്തിൽ നടന്ന പരിപാടിയിൽ ക്ലബ് അംഗങ്ങളും കമ്പനി അധികൃതരും ക്ലബിന്റെ പേരിൽ വിവിധ മത്സരങ്ങളിൽ വിജയിച്ച ടീം അംഗങ്ങളും യാംബുവിലെ വിവിധ സാമൂഹിക, സാംസ്കാരിക, മാധ്യമ, ബിസിനസ് രംഗത്തുള്ളവരും സംബന്ധിച്ചു.
യാംബു ഇന്ത്യൻ ഫുട്ബാൾ അസോയിയേഷൻ (വൈ.ഐ.എഫ്.എ) ജനറൽ സെക്രട്ടറി അബ്ദുൽ കരീം പുഴക്കാട്ടിരി സംഗമം ഉദ്‌ഘാടനം ചെയ്തു. യുനീക് എഫ്.സി പ്രസിഡൻറ് ഇബ്രാഹീം പുലത്ത് അധ്യക്ഷത വഹിച്ചു.
അറാട് കോ ഗ്രൂപ് ഓഫ് കമ്പനീസ് എം.ഡി അബ്ദുൽ ഹമീദ് ഒഴുകൂർ, വൈ.ഐ.എഫ്.എ പ്രസിഡന്‍റ് ഷബീർ ഹസ്സൻ കാരക്കുന്ന്, റദ്വ ഗൾഫ് ചെയർമാൻ ബഖീദ് കരീം അൽ ജുഹാനി, ശങ്കർ എളങ്കൂർ, അനീസുദ്ദീൻ ചെറുകുളമ്പ്, നിയാസ് യൂസുഫ്, ഷാനവാസ്‌ വണ്ടൂർ എന്നിവർ ആശംസ നേർന്നു. റദ്വ ഗൾഫ് കമ്പനി എം.ഡി ബാബുക്കുട്ടൻ സി. പിള്ള സമാപന പ്രസംഗം നടത്തി.
യാംബു കെ.എം.സി.സി സ്പോട്സ് ഫെസ്റ്റിവലിനോടനുബന്ധിച്ച് നടന്ന വടംവലി മത്സരത്തിൽ ഒന്നാം സ്ഥാനവും മലബാർ എഫ്.സി അറാട്കോ സെവൻസ് ഫുട്ബാൾ ടൂർണമെന്റിൽ റണ്ണേഴ്‌സ് അപ്പും ആയ റദ്വ ഗൾഫ് യുനീക് എഫ്.സി ടീമുകളെ ചടങ്ങിൽ ആദരിച്ചു. യുനീക് എഫ്.സി രക്ഷാധികാരി അസ്‌ക്കർ വണ്ടൂർ സ്വാഗതവും വൈസ് പ്രസിഡൻറ് സൈനുൽ ആബിദ് മഞ്ചേരി നന്ദിയും പറഞ്ഞു. യുനീക് എഫ്.സി കമ്മിറ്റി അംഗങ്ങളും റദ്വ ഗൾഫ് കമ്പനി അധികൃതരും പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.