അൽ ഐൻ എഫ്‌.സി ക്ലബിന്‍റെ മെഡിക്കൽ പങ്കാളിയായ ബുർജീൽ സ്ഥാപകൻ ഡോ. ഷംഷീർ വയലിൽ യു.എ.ഇ പ്രസിഡന്‍റിന് ആശംസ നേരുന്നു
അബൂദബി: 2024ലെ എ.എഫ്‌.സി ചാമ്പ്യൻസ് ലീഗിൽ യു.എ.ഇക്ക് അഭിമാനവിജയം സമ്മാനിച്ച അൽ ഐൻ ഫുട്‌ബാൾ ടീമിനെയും പിന്നണി പ്രവർത്തകരെയും ആദരിച്ച് പ്രസിഡന്‍റ് ശൈഖ് മുഹമ്മദ് ബിൻ സായിദ് ആൽ നഹ്യാൻ.
അബൂദബി ഖസർ അൽ ബഹറിലാണ് പ്രത്യേക സ്വീകരണം ഒരുക്കിയത്. ടീമിലെ കളിക്കാരെയും പിന്നണി പ്രവർത്തകരെയും ചരിത്ര നേട്ടത്തിന് അദ്ദേഹം അഭിനന്ദിച്ചു. ടൂർണമെന്‍റിലുടനീളമുള്ള ടീമിന്‍റെ അസാധാരണമായ പ്രകടനത്തെയും യു.എ.ഇയെ പ്രതിനിധാനംചെയ്ത് വിജയം കൈവരിക്കാൻ കാരണമായ പരിശ്രമങ്ങളെയും അദ്ദേഹം പ്രശംസിച്ചു.
കളിക്കാർ, ക്ലബ് ഭാരവാഹികൾ, കമ്മിറ്റി അംഗങ്ങൾ, സ്പോൺസർമാർ എന്നിവരാണ് സ്വീകരണത്തിൽ പങ്കെടുത്തത്. ക്ലബിന്‍റെ മെഡിക്കൽ പങ്കാളിയായ ബുർജീലിന്‍റെ സ്ഥാപകനും ചെയർമാനുമായ ഡോ. ഷംഷീർ വയലിലും സംഘത്തിൽ ഉണ്ടായിരുന്നു. അബൂദബി ഉപ ഭരണാധികാരി ശൈഖ് ഹസ്സ ബിൻ സായിദ് ആൽ നഹ്യാനടക്കമുള്ള പ്രമുഖരും ടീമിനെ അഭിനന്ദിക്കാനായി എത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.