അജ്മാന്‍: പതിനൊന്നാമത് ഐറ്റെകസ് വിദ്യാഭ്യാസ പ്രദര്‍ശനത്തിന് അജ്മാനില്‍ തുടക്കം. അജ്മാൻ ഇന്‍റർനാഷനൽ എക്‌സിബിഷൻ ഫോർ എജുക്കേഷൻ ആൻഡ് ട്രെയിനിങ്ങിന്‍റെ പ്രദര്‍ശനം അജ്മാന്‍ നഗരസഭ ആസൂത്രണ വകുപ്പ് ചെയര്‍മാന്‍ ശൈഖ് റാശിദ് ബിന്‍ ഹുമൈദ് അല്‍ നുഐമി ഉദ്ഘാടനം ചെയ്തു. യു.എ.ഇ സുപ്രീംകൗണ്‍സില്‍ അംഗവും അജ്മാന്‍ ഭരണാധികാരിയുമായ ശൈഖ് ഹുമൈദ് ബിന്‍ റാശിദ് അല്‍ നുഐമിയുടെ മേല്‍നോട്ടത്തില്‍ അജ്മാന്‍ ചേംബര്‍ ഓഫ് കൊമേഴ്സ്‌ ആഭിമുഖ്യത്തിലാണ് മൂന്ന് ദിവസം നീണ്ടുനില്‍ക്കുന്ന പ്രദര്‍ശനം നടക്കുന്നത്. അജ്മാന്‍ ജറഫിലുള്ള എമിറേറ്റ്സ് ഹോസ്പിറ്റാലിറ്റി സെന്‍ററില്‍ നടക്കുന്ന പ്രദര്‍ശനത്തില്‍ 50ലധികം സർവകലാശാലകളും പങ്കെടുക്കുന്നുണ്ട്. രാവിലെ ഒമ്പത് മുതൽ വൈകുന്നേരം മൂന്ന് വരെയാണ് പ്രദര്‍ശനം. മേയ് 16 വരെ നീണ്ടുനില്‍ക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.