ദൈദ്: പെരുന്നാളാഘോഷിക്കാൻ ഖോർഫക്കാനിൽ പോയ സുഹൃത്തുക്കളുടെ കാർ ഷാർജ ദൈദിൽ അപകടത്തിൽപ്പെട്ടു കാസർകോട് സ്വദേശി മരിച്ചു. മൂന്ന് പേർക്ക് പരിക്കേറ്റു. തളങ്കര പടിഞ്ഞാർ കുന്നിലെ ഹാരിസ്–ഫാത്തിമ ദമ്പതികളുടെ മകൻ ഹാത്തിബ് ഹാരിസ്(23) ആണ് മരിച്ചത്. ജനൈദ്, തളങ്കര ബാങ്കോട്ടെ ഫാറൂഖ്, ഫയാസ് എന്നിവർക്കാണ് പരിക്കേറ്റത്. ഇതിലൊരാളുടെ നില ഗുരുതരമാണ്.
ശനിയാഴ്ച വൈകീട്ട് അഞ്ചിന് രണ്ട് കാറുകളിലായി സുഹൃത്തുക്കൾ മടങ്ങുമ്പോൾ ഹാത്തിബ് സഞ്ചരിച്ച കാറിൻ്റെ ടയർ പൊട്ടിത്തെറിച്ച് നിയന്ത്രണം വിട്ട് മറിയുകയായിരുന്നു. പരിക്കേറ്റവരെ ആശുപത്രിയിൽ പ്രവേശിപ്പിച്ചു.
ഒരു വർഷം മുൻപ് യു.എ.ഇയിലെത്തിയ ഹാത്തിബ് ഷാർജയിലെ ഒരു റിയൽ എസ്റ്റേറ്റ് കമ്പനിയിൽ അക്കൗണ്ടൻ്റായി ജോലി ചെയ്തുവരികയായിരുന്നു. പിതാവ് ഹാരിസ് യു.എ.ഇയില്‍ ജോലി ചെയ്യുന്നു. സഹോദരങ്ങൾ: ഹിഷാന, ഖദീജ. നടപടികൾക്ക് ശേഷം മൃതദേഹം നാട്ടിലേയ്ക്ക് കൊണ്ടുപോകുമെന്ന് ബന്ധുക്കൾ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.