ശിശുവികസനം ലക്ഷ്യമിട്ട്​ അബൂദബിയില്‍ പുതിയ അക്കാദമി വരുന്നു

അ​ബൂ​ദ​ബി: കു​രു​ന്നു​ത​ല​മു​റ​യെ കാ​ല​ഘ​ട്ട​ത്തി​ന​നു​സ​രി​ച്ച് ജീ​വി​ത പ്രാ​പ്തി​യി​ലെ​ത്തി​ക്കു​ക എ​ന്ന ല​ക്ഷ്യ​മി​ട്ട് പു​തി​യ പ​ദ്ധ​തി​യു​മാ​യി അ​ബൂ​ദ​ബി. യു.​എ.​ഇ പ്ര​സി​ഡ​ന്റും അ​ബൂ​ദ​ബി ഭ​ര​ണാ​ധി​കാ​രി​യു​മാ​യ ശൈ​ഖ് മു​ഹ​മ്മ​ദ് ബി​ന്‍ സാ​യി​ദ് ആ​ല്‍ ന​ഹ് യാ​നാ​ണ് ഇ​തു സം​ബ​ന്ധി​ച്ച പു​തി​യ നി​യ​മം പു​റ​പ്പെ​ടു​വി​ച്ച​ത്. ഇ​തു​പ്ര​കാ​രം അ​ബൂ​ദ​ബി​യി​ല്‍ കു​ഞ്ഞു​ങ്ങ​ളു​ടെ വ​ള​ർ​ച്ച​യെ മ​ന​സ്സി​ലാ​ക്കു​ന്ന​തി​നു​ള്ള സ്ഥാ​പ​നം ആ​രം​ഭി​ക്കാ​നാ​ണ് തീ​രു​മാ​നം.

അ​ബൂ​ദ​ബി ഏ​ർ​ളി ചൈ​ല്‍ഡ്ഹു​ഡ് അ​തോ​റി​റ്റി​യു​ടെ കീ​ഴി​ലാ​ണ് ‘ശി​ശു വി​കാ​സ ദേ​ശീ​യ അ​ക്കാ​ദ​മി’ (നാ​ഷ​ന​ല്‍ അ​ക്കാ​ദ​മി ഫോ​ര്‍ ചൈ​ല്‍ഡ് ഹു​ഡ് ഡെ​വ​ല​പ്‌​മെ​ന്റ്) എ​ന്ന പേ​രി​ല്‍ പു​തി​യ സ്ഥാ​പ​നം ആ​രം​ഭി​ക്കു​ക. യു.​എ.​ഇ​യു​ടെ മൂ​ല്യ​ങ്ങ​ളും വ്യ​ക്തി​ത്വ​വും സം​ര​ക്ഷി​ച്ചു​കൊ​ണ്ട് കു​ട്ടി​ക​ളു​ടെ പ​രി​ച​ര​ണം, ശൈ​ശ​വ വി​കാ​സം, ശി​ശു പ​രി​ച​ര​ണം എ​ന്നി​വ​യു​മാ​യി ബ​ന്ധ​പ്പെ​ട്ട് വി​ദ്യാ​ഭ്യാ​സം, പ​രി​ശീ​ല​നം, ദീ​ര്‍ഘ​കാ​ല പ​ഠ​ന പ​ദ്ധ​തി​ക​ള്‍ തു​ട​ങ്ങി​യ ല​ക്ഷ്യ​ങ്ങ​ളോ​ടെ​യാ​ണ് അ​ക്കാ​ദ​മി സ്ഥാ​പി​ക്കു​ക. ശി​ശു വി​കാ​സ മേ​ഖ​ല​ക​ളി​ല്‍ ത​ങ്ങ​ളു​ടെ ക​ഴി​വു​ക​ളും വി​ജ്ഞാ​ന​വും സം​ഭാ​വ​ന ചെ​യ്യു​ന്ന​തി​നാ​യി ആ​ളു​ക​ള്‍ക്ക് ഉ​ചി​ത​മാ​യ പ​രി​ശീ​ല​ന സാ​ഹ​ച​ര്യ​വും അ​ക്കാ​ദ​മി​ക് സൗ​ക​ര്യ​വും ഒ​രു​ക്കി ന​ല്‍കു​ക​യെ​ന്ന​തും സ്ഥാ​പ​ന​ത്തി​ന്റെ ഉ​ദ്ദേ​ശ്യ​മാ​ണ്.

അ​ക്കാ​ദ​മി സ​ര്‍ട്ടി​ഫി​ക്ക​റ്റു​ക​ളും ഡി​ഗ്രി​ക​ളും സ്ഥാ​പ​ന​ത്തി​ല്‍നി​ന്ന് ന​ല്‍കും. ഇ​തി​നു​പു​റ​മെ ക​ള്‍സ​ള്‍ട്ടേ​ഷ​ന്‍, വി​വ​ര കൈ​മാ​റ്റം, മ​റ്റു സേ​വ​ന​ങ്ങ​ള്‍ എ​ന്നി​വ സ്ഥാ​പ​ന​ത്തി​ല്‍നി​ന്ന് ല​ഭി​ക്കും. 2023 സെ​പ്റ്റം​ബ​ര്‍ മു​ത​ലാ​യി​രി​ക്കും സ്ഥാ​പ​ന​ത്തി​ല്‍ അ​ക്കാ​ദ​മി​ക് വ​ര്‍ഷ​ത്തി​നു തു​ട​ക്ക​മാ​വു​ക. ജൂ​ണ്‍ മു​ത​ല്‍ പ​ഠി​താ​ക്ക​ള്‍ക്കു​ള്ള ര​ജി​സ്ട്രേ​ഷ​ന്‍ ആ​രം​ഭി​ക്കും. ഗ​വേ​ഷ​ണം, സ​മ്മേ​ള​ന​ങ്ങ​ള്‍, സെ​മി​നാ​റു​ക​ള്‍, ശി​ൽ​പ​ശാ​ല​ക​ള്‍ മു​ത​ലാ​യ​വ പാ​ഠ്യ​ഭാ​ഗ​മാ​യു​ണ്ടാ​വും. അ​ക്കാ​ദ​മി​യി​ല്‍ ല​ഭി​ക്കു​ന്ന അം​ഗീ​കൃ​ത പ​രി​ശീ​ല​നം അ​ധി​ക യോ​ഗ്യ​ത​യാ​യി പ​രി​ഗ​ണി​ക്കാ​നാ​യി വി​ദ്യാ​ഭ്യാ​സം, ശി​ശു സം​ര​ക്ഷ​ണം അ​ട​ക്ക​മു​ള്ള മേ​ഖ​ല​ക​ളു​മാ​യി പ​ങ്കാ​ളി​ത്തം ഉ​റ​പ്പാ​ക്കും. ഒ​പ്പം ഇ​ത്ത​രം സ്ഥാ​പ​ന​ങ്ങ​ളു​മാ​യി ക​രാ​റു​ക​ളും ധാ​ര​ണാ​പ​ത്ര​ങ്ങ​ളും ഒ​പ്പി​ടാ​നും ഭാ​വി​യി​ല്‍ പ​ദ്ധ​തി​യു​ണ്ട്. അ​ക്കാ​ദ​മി ന​ല്‍കു​ന്ന സ​ര്‍ട്ടി​ഫി​ക്ക​റ്റു​ക​ളും ഡി​ഗ്രി​ക​ളു​മൊ​ക്കെ റി​ക്രൂ​ട്ട്‌​മെ​ന്റ് സം​വി​ധാ​ന​ങ്ങ​ള്‍ പ​രി​ഗ​ണി​ക്കു​ന്ന​തോ​ടെ ജോ​ലി സാ​ധ്യ​ത വ​ര്‍ധി​ക്കു​ന്ന​തി​നും കാ​ര​ണ​മാ​വും.