അബ്ദുല്ല കമാൻപാലം സാം വർഗീസ്
ഷാർജ: അനശ്വര ഗായകൻ മുഹമ്മദ് റഫിയുടെ പേരിൽ ചിരന്തന-ദർശന സാംസ്കാരിക വേദി നൽകുന്ന ചിരന്തന-മുഹമ്മദ് റഫി പുരസ്കാരം യു.എ.ഇയിലെ സാമൂഹ്യ-സാംസ്കാരിക-ജീവകാരുണ്യ പ്രവർത്തകരായ അബ്ദുല്ല കമാൻപാലത്തിനും സാം വർഗീസിനും. മുഹമ്മദ് റഫിയുടെ ചരമദിനമായ ജൂലൈ 3ന് ഷാർജ ഇന്ത്യൻ അസോസിയേഷനിൽ നടക്കുന്ന റഫി നെറ്റിൽവെച്ച് ഐ.എ.എസ് പ്രസിഡന്റ് നിസാർ തളങ്കര പുരസ്കാരം നൽകും.
ചടങ്ങിൽ വിവിധ മേഖലയിലെ വ്യക്തിത്വങ്ങൾ പങ്കെടുക്കും. ചിരന്തന പ്രസിഡന്റ് പുന്നക്കൻ മുഹമ്മദലി, ദർശന പ്രസിഡന്റ് സി.പി. ജലീൽ, മാജിദ് ശൈഖ് ബോബൈ, റഹ്മത്തുല്ല തളങ്കര, പീർ മുഹമ്മദ് തമിഴ്നാട് എന്നിവർ അടങ്ങിയ ജൂറിയാണ് പുരസ്കാര ജേതാക്കളെ തിരഞ്ഞെടുത്തത്.
യു.എ.ഇയിലെ ഏറ്റവും മുതിർന്ന ഫാഷൻ ഡിസൈനർമാരിൽ ഒരാളാണ് അബ്ദുല്ല കമാൻപാലം. ഷാർജയിലെ സാമൂഹിക-രാഷ്ട്രീയ-ജീവകാരുണ്യ പ്രവർത്തനങ്ങളിൽ വർഷങ്ങളായി പ്രവർത്തിക്കുന്ന ഷാർജ ഇന്ത്യൻ അസോസിയേഷൻ മുൻ എം.സി അംഗവും ഇൻകാസ് നേതാവും അജാസ് ടെക്നിക്കൽ സർവിസ് എം.ഡിയുമാണ് സാം വർഗീസ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.