യു​വാ​ക്ക​ളെ ശാ​ക്​​തീ​ക​രി​ക്കാ​ൻ പ്ര​തി​ജ്ഞാ​ബ​ദ്ധം -​ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​

ദു​ബൈ: രാ​ജ്യ​ത്തി​ന്‍റെ വ​ള​ർ​ച്ച​യെ വേ​ഗ​ത്തി​ലാ​ക്കാ​ൻ യു​വാ​ക്ക​ളി​ൽ നി​ക്ഷേ​പം ന​ട​ത്താ​നും അ​വ​രെ ശാ​ക്തീ​ക​രി​ക്കാ​നും യു.​എ.​ഇ പ്ര​തി​ജ്ഞാ​ബ​ദ്ധ​മാ​ണെ​ന്ന് പ്ര​സി​ഡ​ന്‍റ് ശൈ​ഖ്​ മു​ഹ​മ്മ​ദ് ബി​ൻ സാ​യി​ദ് ആ​ൽ ന​ഹ്​​യാ​ൻ. അ​ന്താ​രാ​ഷ്ട്ര യു​വ​ജ​ന ദി​ന​ത്തോ​ട​നു​ബ​ന്ധി​ച്ച സ​ന്ദേ​ശ​ത്തി​ലാ​ണ്​ ഇ​ക്കാ​ര്യം അ​​ദ്ദേ​ഹം വ്യ​ക്ത​മാ​ക്കി​യ​ത്. രാ​ജ്യ​ത്തി​ന്‍റെ വി​ല​യേ​റി​യ സ്വ​ത്താ​ണ് യു​വാ​ക്ക​ൾ.

ഒ​രു രാ​ഷ്ട്രം അ​തി​ന്‍റെ ഭാ​വി കെ​ട്ടി​പ്പ​ടു​ക്കു​ന്ന അ​ടി​ത്ത​റ​യാ​ണ​ത്. അ​വ​ർ പു​രോ​ഗ​തി​യെ ശ​ക്തി​പ്പെ​ടു​ത്തു​ന്ന ഇ​ന്ധ​ന​വും യ​ഥാ​ർ​ഥ വി​ക​സ​ന​ത്തി​ന് പി​ന്നി​ലെ ചാ​ല​ക​ശ​ക്തി​യു​മാ​ണ്. അ​വ​രു​ടെ നി​ശ്ച​യ​ദാ​ർ​ഢ്യ​വും ഊ​ർ​ജ​സ്വ​ല​ത​യും കൊ​ണ്ട് രാ​ഷ്ട്ര​ങ്ങ​ൾ വ​ള​രു​ക​യും മ​നു​ഷ്യ​ജീ​വി​ത​ത്തി​ന്‍റെ ഗു​ണ​നി​ല​വാ​രം മെ​ച്ച​പ്പെ​ടു​ക​യും ചെ​യ്യു​ന്നു.

നാം ​അ​വ​രി​ൽ അ​ഭി​മാ​നി​ക്കു​ക​യും ആ​ഗോ​ള വേ​ദി​യി​ൽ രാ​ഷ്ട്ര​ത്തി​ന്‍റെ പ​താ​ക ഏ​ൽ​പ്പി​ക്കു​ക​യും ചെ​യ്യു​ന്നു -​ശൈ​ഖ്​ മു​ഹ​മ്മ​ദ്​ കൂ​ട്ടി​ച്ചേ​ർ​ത്തു.യു​വാ​ക്ക​ൾ രാ​ജ്യ​ത്തെ പു​രോ​ഗ​തി​യി​ലേ​ക്ക് ന​യി​ച്ചു​വെ​ന്നും അ​വ​രു​ടെ പ്ര​യ​ത്ന​ങ്ങ​ൾ രാ​ജ്യ​ത്തി​ന്‍റെ ഉ​യ​ർ​ച്ച​ക്ക്​ സ​ഹാ​യി​ച്ച​താ​യും യു.​എ.​ഇ വൈ​സ്​ പ്ര​സി​ഡ​ന്‍റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം എ​ക്സ്​ അ​ക്കൗ​ണ്ടി​ൽ കു​റി​ച്ചു.

യു​വ​ജ​ന​ങ്ങ​ളു​ടെ പ്ര​ശ്‌​ന​ങ്ങ​ൾ അ​ന്താ​രാ​ഷ്ട്ര സ​മൂ​ഹ​ത്തി​ന്‍റെ ശ്ര​ദ്ധ​യി​ൽ കൊ​ണ്ടു​വ​രു​ന്ന​തി​നും ആ​ഗോ​ള ത​ല​ത്തി​ൽ യു​വാ​ക്ക​ളു​ടെ സാ​ധ്യ​ത​ക​ൾ ആ​ഘോ​ഷി​ക്കു​ന്ന​തി​നു​മാ​യി വ​ർ​ഷം തോ​റും ആ​ഗ​സ്റ്റ് 12നാ​ണ്​ യു​വ​ജ​ന​ദി​നം ആ​ഘോ​ഷി​ക്കു​ന്ന​ത്.

യു.​എ.​ഇ​യി​ൽ യു​വാ​ക്ക​ളു​ടെ ശാ​ക്തീ​ക​ര​ണ​ത്തി​ന്​ വ​ലി​യ പ്ര​ധാ​ന്യ​മാ​ണ്​ ഭ​ര​ണാ​ധി​കാ​രി​ക​ൾ ന​ൽ​കി​വ​രു​ന്ന​ത്. എ​ല്ലാ മേ​ഖ​ല​യി​ലും യു​വാ​ക്ക​ളു​ടെ ഊ​ർ​ജ​സ്വ​ല​മാ​യ പ​ങ്കാ​ളി​ത്ത​മാ​ണ്​ ഉ​റ​പ്പു​വ​രു​ത്തു​ന്ന​ത്. യു.​എ.​ഇ മ​ന്ത്രി​സ​ഭ​യി​ലും സു​ൽ​ത്താ​ൻ അ​ൽ നി​യാ​ദി അ​ട​ക്കം രാ​ജ്യ​ത്തി​ന്‍റെ പ്ര​ശ​സ്തി ആ​ഗോ​ള ത​ല​ത്തി​ൽ ഉ​യ​ർ​ത്തി​യ യു​വാ​ക്ക​ളെ ഉ​ൾ​പ്പെ​ടു​ത്തി​യ​ത്​ ഇ​തി​ന്‍റെ ഭാ​ഗ​മാ​ണ്.