അബൂദബി: കേരള സോഷ്യല്‍ സെന്‍റര്‍ കേരളോത്സവം-2023 നവംബര്‍ 24, 25, 26 തീയതികളിലായി നടക്കും. പരിപാടിയുടെ ടിക്കറ്റ് വില്‍പനയുടെ ഉദ്ഘാടനം ടി.ആര്‍. വിജയകുമാര്‍ നിര്‍വഹിച്ചു.
അമല്‍ വിജയകുമാര്‍, വിമല്‍ വിജയകുമാര്‍, സെന്‍റര്‍ പ്രസിഡന്‍റ് എ.കെ. ബീരാന്‍ കുട്ടി, വൈസ് പ്രസിഡന്‍റ് റോയ് ഐ. വര്‍ഗീസ്, ജനറല്‍ സെക്രട്ടറി കെ. സത്യന്‍, അഡ്വ. അന്‍സാരി സൈനുദ്ദീന്‍, ശക്തി തിയറ്റേഴ്സ് പ്രസിഡന്‍റ് ടി.കെ. മനോജ്, ജനറല്‍ സെക്രട്ടറി സഫറുള്ള പാലപ്പെട്ടി, വനിത വിഭാഗം ആക്ടിങ് കണ്‍വീനര്‍മാരായ ചിത്ര ശ്രീവത്സന്‍, ഷല്‍മ സുരേഷ്, കേരള സോഷ്യല്‍ സെന്‍റര്‍ മാനേജിങ് കമ്മിറ്റി അംഗങ്ങള്‍, യുവകലാസാഹിതി പ്രസിഡന്‍റ് ആര്‍. ശങ്കര്‍, ഫ്രണ്ട്സ് എ.ഡി.എം.എസ് ജനറല്‍ സെക്രട്ടറി ഫസലുദ്ദീന്‍ എന്നിവർ സംബന്ധിച്ചു.
നാട്ടുത്സവത്തിന്‍റെ സകല ചേരുവകളും കോര്‍ത്തിണക്കി ഒരുക്കുന്ന കേരളോത്സവത്തില്‍ തട്ടുകടകള്‍, പുസ്തക ശാലകള്‍, ശാസ്ത്ര പ്രദര്‍ശനം, മെഡിക്കല്‍ ക്യാമ്പ്, വിവിധ വാണിജ്യ സ്റ്റാളുകള്‍ തുടങ്ങിയവ ഉണ്ടാകും. വൈവിധ്യമാര്‍ന്ന കലാപരിപാടികളും എല്ലാ ദിവസവും അരങ്ങേറും. കെ.എസ്.സി അങ്കണത്തില്‍ വൈകീട്ട് അഞ്ചുമുതല്‍ രാത്രി 11 വരെയാണ് പരിപാടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.