അയിഷ അനീസ്, അപർണ രാജേഷ്, ദക്ഷ ശ്യാം, അപൂർവ സുനീഷ്, സെഹിൻ അനീസ്, ലിയാന മുംതാസ്
അൽഐൻ: മലയാളം മിഷൻ അൽ ഐൻ ചാപ്റ്റർ ആഗോളതല സുഗതാഞ്ജലി കാവ്യാലാപന മത്സരം സംഘടിപ്പിച്ചു. സബ് ജൂനിയർ തലത്തിൽ അയിഷ അനീസ് ഒന്നാം സ്ഥാനവും അപർണ രാജേഷ് രണ്ടാം സ്ഥാനവും ദക്ഷ ശ്യാം മൂന്നാം സ്ഥാനവും ജൂനിയർ വിഭാഗത്തിൽ അപൂർവ സനൽ ഒന്നാം സ്ഥാനവും സെഹിൻ അനീസ് രണ്ടാം സ്ഥാനവും ലിയാന മുംതാസ് മൂന്നാം സ്ഥാനവും നേടി.
അൽഐൻ ഇന്ത്യൻ സോഷ്യൽ സെന്ററിൽ സംഘടിപ്പിച്ച സബ് ജൂനിയർ, ജൂനിയർ കാവ്യാലാപന മത്സരം അൽഐൻ ഇന്ത്യൻ സോഷ്യൽ പ്രസിഡന്റ് റസ്സൽ മുഹമ്മദ് സാലി ഉദ്ഘാടനം ചെയ്തു. അൽഐൻ ചാപ്റ്റർ ജോ. കൺവീനറും യുനൈറ്റഡ് മൂവ്മെന്റ് കൺവീനറുമായ സുരേഷ് തിരുക്കുളം അധ്യക്ഷനായി.
സ്കൂൾ അധ്യാപകരായ മഹേഷ്, ഷീന അഷറഫ് എന്നിവർ വിധികർത്താക്കളായിരുന്നു. ഇന്ത്യൻ സോഷ്യൽ സെന്റർ സെക്രട്ടറി സന്തോഷ് കുമാർ, സാഹിത്യ വിഭാഗം സെക്രട്ടറി ഷമീം എന്നിവർ ആശംസകൾ നേർന്നു. ചാപ്റ്റർ സെക്രട്ടറി റസിയ ഇഫ്ത്തിക്കർ സ്വാഗതവും കൺവീനർ ഡോ. സുനീഷ് നന്ദിയും പറഞ്ഞു. മലയാളം മിഷൻ അധ്യാപകരായ സ്മൈലി പ്രഭാതും ജസ്ന ഫൈസലും മത്സരങ്ങൾക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.