അജ്മാൻ: യു.എ.ഇ പൊതുമാപ്പുമായി ബന്ധപ്പെട്ട് അജ്മാൻ കെ.എം.സി.സി ഒരുക്കിയ ഹെൽപ് ഡെസ്കിൽ മികച്ച പ്രതികരണം. അജ്മാനിലെ സേവനങ്ങൾക്ക് കെ.എം.സി.സി ഓഫിസിൽ ഒരുക്കിയ ഡെസ്കിലേക്ക് നിരവധി ആവശ്യക്കാരുടെ അന്വേഷണങ്ങളാണ് എത്തിയതെന്ന് ഭാരവാഹികൾ വ്യക്തമാക്കി. അമ്പതോളം പേരുടെ കേസുമായി ബന്ധപ്പെട്ട അന്വേഷണങ്ങൾ ലഭിച്ചതായി പ്രസിഡന്‍റ് ഫൈസൽ കരീം പറഞ്ഞു.
ആദ്യദിനമായ ഞായറാഴ്ച അവധി ദിനമായതിനാൽ വരും ദിവസങ്ങളിൽ കൂടുതൽ ആവശ്യക്കാർ മുന്നോട്ട് വരുമെന്നാണ് പ്രതീക്ഷിക്കുന്നതെന്ന് അദ്ദേഹം വ്യക്തമാക്കി. ആംനസ്റ്റിയുമായി ബന്ധപ്പെട്ട് മികച്ച സൗകര്യങ്ങൾ ഒരുക്കിയിട്ടുണ്ടെന്ന് പ്രസിഡന്‍റ് ഫൈസൽ കരീം വ്യക്തമാക്കി. കൂടുതൽ വിവരങ്ങൾക്ക് 050 182 3561, 055 803 9509, 050 876 0685 എന്നീ നമ്പറുകളിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.