സ്​പോൺസർ വേണ്ട : ജൂൺ ഒന്നു​ മുതൽ സ്വന്തമായി ബിസിനസ്​ തുടങ്ങാം

ദുബൈ: യു.എ.ഇയിൽ പ്രവാസികൾക്ക്​ സ്വന്തം ഉടമസ്​ഥതയിൽ ബിസിനസ്​ തുടങ്ങാവുന്ന നിയമഭേദഗതി ജൂൺ ഒന്നു​ മുതൽ നടപ്പാക്കും.യു.എ.ഇ സാമ്പത്തികകാര്യ മന്ത്രാലയമാണ്​ ഇക്കാര്യം അറിയിച്ചത്​. കഴിഞ്ഞ വർഷം നവംബർ 23ന്​ പ്രഖ്യാപിച്ച ചരിത്രപരമായ തീരുമാനമാണ്​​ ഇപ്പോൾ പ്രാബല്യത്തിൽ വരുന്നത്​.

നിലവിലെ നിയമമനുസരിച്ച് ഫ്രീ സോണിന്​ പുറത്ത്​ ലിമിറ്റഡ്​ കമ്പനികൾ തുടങ്ങാൻ​ 51 ശതമാനം ഓഹരി പങ്കാളിത്തം സ്വദേശിക്ക്​ നൽകണമെന്ന്​ നിബന്ധനയുണ്ടായിരുന്നു. ഭേദഗതി നടപ്പാകുന്നതോടെ വിദേശികൾക്ക്​ 100 ശതമാനം നിക്ഷേപത്തോടെ എൽ.എൽ.സികളും തുടങ്ങാം. എന്നാൽ എണ്ണഖനനം, ഊർജോൽപാദനം, പൊതുഗതാഗതം, സർക്കാർ സ്​ഥാപനം തുടങ്ങിയ തന്ത്രപ്രധാന മേഖലകളിൽ വിദേശ നിക്ഷേപത്തിന്​ നിയന്ത്രണം ഉണ്ടായിരിക്കും.

കമ്പനി ഉടമസ്​ഥാവകാശ നിയമങ്ങളിൽ വലിയ മാറ്റങ്ങളാണ്​ യു.എ.ഇ ആറു മാസം മുമ്പ്​ പ്രഖ്യാപിച്ചത്​. ചിലത്​ ഡിസംബർ ആദ്യം മുതൽ നടപ്പാക്കിത്തുടങ്ങിയിരുന്നു. 100 ശതമാനം ഉടമസ്​ഥാവകാശം ഉൾപ്പെടെയുള്ളവ ആറു​ മാസത്തിനു ശേഷമാണ്​ നടപ്പാക്കുക എന്നും അറിയിച്ചിരുന്നു. ഇതാണ്​ ഇപ്പോൾ നടപ്പാക്കുന്നത്​. 122 മേഖലകളിലെ സ്​ഥാപനങ്ങൾക്കാണ്​ പൂർണ വിദേശ നിക്ഷേപം അനുവദിച്ചിരിക്കുന്നത്​. ഉൽ​പാദന, കാർഷിക മേഖലകൾക്കാണ്​ പ്രാധാന്യം. എന്നാൽ, നിശ്ചിത തുകക്ക്​ മുകളിൽ മുതൽമുടക്കുള്ള സ്​ഥാപനങ്ങൾക്കു​ മാത്രമേ ഈ ആനുകൂല്യം ലഭിക്കൂ. കമ്പനി ഉടമസ്​ഥാവകാശ നിയമത്തിൽ ഭേദഗതി വരുത്തി പ്രസിഡൻറ്​ ശൈഖ്​ ഖലീഫ ആൽ നഹ്​യാനാണ്​ ഉത്തരവിറക്കിയത്​.

കമ്പനികളുടെ 70 ശതമാനം ഷെയറുകളും ഓഹരിയായി പൊതുജനങ്ങൾക്ക്​ വിൽക്കാം എന്നും ഭേദഗതിയിൽ പറഞ്ഞിരുന്നു. നേരത്തേ 30 ശതമാനം ഷെയറുകൾ വിൽക്കാൻ മാത്രമായിരുന്നു അനുമതി.

വീഴ്​ചയുണ്ടായാൽ കമ്പനികളുടെ ചെയർമാനും മുതിർന്ന ഉദ്യോഗസ്​ഥർക്കും എതിരെ ഓഹരി ഉടമകൾക്ക്​ സിവിൽ കേസ്​ ഫയൽ ചെയ്യാനും നിയമം അനുവദിക്കുന്നുണ്ട്​. നേരത്തേ മുതൽ പ്രവർത്തിക്കുന്ന സ്​ഥാപനങ്ങൾക്കും പുതിയ നിയമ ഭേദഗതിയുടെ ഗുണം ലഭിക്കും. പ്രഖ്യാപനം നടപ്പാക്കുന്നതോടെ യു.എ.ഇയിലേക്ക്​ കൂടുതൽ വിദേശ നിക്ഷേപം എത്തുമെന്നാണ്​ പ്രതീക്ഷിക്കുന്നത്​.

മഹാമാരിയിൽ പ്രതിസന്ധിയിലായ ആഗോള സാമ്പത്തിക മേഖലക്ക്​ കരുത്തുപകരുന്ന നിയമ ഭേദഗതിയാണിതെന്ന്​ സാമ്പത്തിക കാര്യ മന്ത്രി അബ്​ദുല്ല ബിൻ തൗഖ്​ അൽ മറി പറഞ്ഞു. ദീർഘവീക്ഷണത്തോടെയുള്ള തീരുമാനമാണിതെന്നും രാജ്യ​ത്തി​െൻറ സാമ്പത്തിക മേഖലയിൽ ഇത്​ പ്രതിഫലിക്കുമെന്നും അദ്ദേഹം പറഞ്ഞു.

കോവിഡ്​കാലത്ത്​ മറ്റു പല രാജ്യങ്ങളും നികുതി വർധിപ്പിച്ചപ്പോഴും സംരംഭകരെ ചേർത്തുപിടിക്കുന്ന നയമാണ്​ യു.എ.ഇ സ്വീകരിച്ചത്​. ഫീസിളവ്​ നൽകിയും പിഴകൾ റദ്ദാക്കിയും സംരംഭകർക്ക്​ കൈത്താങ്ങ്​ നൽകിയിരുന്നു.

കരുത്തായിരുന്നു സ്വദേശികൾ

സ്വദേശികൾക്ക്​ പങ്കാളിത്തം നൽകിയിരുന്നത്​ ഗുണകരമായിരുന്നുവെന്ന്​ ഒരുവിഭാഗം പഴമക്കാർ പറയുന്നു.ഗവൺമെൻറ്​ ഓഫിസുകളിലെ പേപ്പർ ജോലികൾ വേഗത്തിലാക്കാനും കൂടുതൽ ബന്ധങ്ങൾ സ്​ഥാപിക്കാനും ബിസിനസ്​ വളർത്താനും ഇതുപകരിച്ചിരുന്നുവെന്നാണ്​ ഇവരുടെ അഭിപ്രായം. വലിയ തട്ടിപ്പുകളിൽ വീഴാതിരിക്കാൻ ഇത്​ ഉപകരിച്ചിരുന്നു.

51 ശതമാനം ഓഹരി സ്വദേശികൾക്ക്​ നൽകുമെന്ന്​ പറയു​േമ്പാഴും ഭൂരിപക്ഷം പേരും അതി​െൻറ ആനുകൂല്യം അനുഭവിച്ചിരുന്നില്ല. മറിച്ച്​, പ്രവാസികൾക്കും അവരുടെ കുടുംബാംഗങ്ങൾക്കും കൈത്താങ്ങായി ഈ സ്വദേശികൾ അവരുടെ സാമ്പാദ്യത്തിലെ വിഹിതം പോലും നൽകിയിരുന്നു. ബിസിനസ്​ തകർന്ന സന്ദർഭത്തിൽ കരുത്തായി ഇവർ കൂടെയുണ്ടായിരുന്നു​െവന്നും പഴയകാല ബിസിനസുകാർ നന്ദിയോടെ സ്​മരിക്കുന്നു.

പ്രവാസികൾക്ക്​ ഗുണകരം; വികസന കുതിപ്പിന്​ വഴിയൊരുക്കും

ദുബൈ: മലയാളികൾ അടക്കമുള്ള പ്രവാസികൾക്ക്​ ഗുണകരമായ തീരുമാനമാണ്​ നടപ്പാക്കാൻ പോകുന്നത്​.നിലവിൽ പ്രവാസികൾക്ക്​ സ്വന്തമായി ബിസിനസ്​ തുടങ്ങണമെങ്കിൽ സ്​പോൺസറെ നിർബന്ധമാണ്​. അല്ലാത്തപക്ഷം ഫ്രീ സോൺ ഏരിയയിലായിരിക്കണം ബിസിനസ്​ തുടങ്ങേണ്ടത്​.

എന്നാൽ, പുതിയ തീരുമാനം നടപ്പാക്കുന്നതോടെ സ്​പോൺസറെ തിര​ഞ്ഞുനടക്കേണ്ട ആവശ്യമില്ല. പണമുണ്ടെങ്കിൽ സ്വന്തമായി ബിസിനസ്​ തുടങ്ങാം.ടാറ്റ അടക്കം വൻകിട ഇന്ത്യൻ കമ്പനികൾ യു.എ.ഇയിൽ നിക്ഷേമിറക്കാർ പദ്ധതിയിട്ടിരുന്നു. ഇതുപോലുള്ള സ്​ഥാപനങ്ങളെ കൂടുതൽ ആകർഷിക്കുന്നതാണ്​ പുതിയ നിയമം. ഉടമസ്​ഥാവകാശം പൂർണമായും സ്വന്തമാകുന്നതോടെ വിദേശികൾക്ക്​ സ്​ഥാപനത്തി​െൻറ ചെയർമാനാകാനും തടസ്സമില്ല.

ഓഹരി പങ്കാളിത്തം നൽകുന്നയാളെ എങ്ങനെ വിശ്വസിക്കും എന്ന ആശങ്ക വിദേശ നിക്ഷേപകർക്ക്​ മുമ്പുണ്ടായിരുന്നു.ഇൗ ആശങ്ക അസ്​ഥാനത്താകും. വർഷത്തിലും മാസത്തിലും സ്​പോൺസർഷിപ്​ ഫീസ്​ അടക്കണമെന്ന ആശങ്കയും അകന്നുനിൽക്കും.