വേള്‍ഡ് ഓഫ് ഹാപ്പിനസ് ‘ഓണം, പൊന്നോണം സീസണ്‍-11’ സംബന്ധിച്ച് എക്‌സിക്യൂട്ടിവ് അംഗങ്ങള്‍ വിശദീകരിക്കുന്നു
അബൂദബി: വേള്‍ഡ് ഓഫ് ഹാപ്പിനസ് (ഡബ്ല്യു.ഒ.എച്ച്) സംഘടിപ്പിക്കുന്ന ഓണം, പൊന്നോണം സീസണ്‍ -11 വെള്ളിയാഴ്ച അബൂദബി ഇന്ത്യന്‍ ഇസ്‌ലാമിക് സെന്ററില്‍ നടക്കുമെന്ന് ഭാരവാഹികള്‍ വാര്‍ത്തസമ്മേളനത്തില്‍ അറിയിച്ചു. എമിറേറ്റിലെ മലയാളികളായ കുടുംബങ്ങളെയും കലാ, സാംസ്‌കാരിക, കാരുണ്യ രംഗത്ത് പ്രവര്‍ത്തിക്കുന്നവരെയും ഉള്‍പ്പെടുത്തി രൂപവത്കരിച്ചതാണ് ഡബ്ല്യു.ഒ.എച്ച്. കൂട്ടായ്മയുടെ കീഴിൽ, നാട്ടില്‍ വീടില്ലാത്ത കുടുംബത്തിന് വീട് നിര്‍മിച്ച് നല്‍കാനുള്ള പദ്ധതി പുരോഗമിക്കുകയാണെന്നും ഭാരവാഹികള്‍ പറഞ്ഞു. വാര്‍ത്തസമ്മേളനത്തില്‍ വേള്‍ഡ് ഓഫ് ഹാപ്പിനസ് എക്‌സിക്യൂട്ടിവ് അംഗങ്ങളായ ലുലു ഗ്രൂപ് പി.ആര്‍.ഒ അഷ്‌റഫ്, നഈമ അഹമ്മദ്, നജ്മ ഷറഫ്, അനസ് കൊടുങ്ങല്ലൂര്‍, ഫിറോസ് മണ്ണാർക്കാട്, സെബീന കരീം, സുഫൈറ നൗഷാദ്, ഷംല മന്‍സൂര്‍, ഷറഫ് മുഹമ്മദ്, ഷഫീഖ് നിലമ്പൂര്‍, വാഹിബ്, റുബീന എന്നിവര്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.