ഇത്തിഹാദ് ക്രെഡിറ്റ് ഇന്ഷുറന്സിന്റെ (ഇ.സി.ഐ) യു.എ.ഇ ആൻഡ് ഗ്ലോബല് അവാര്ഡ് സമർപ്പണ ചടങ്ങില് ഹോട്ട്പാക്ക് ഗ്ലോബല് ഗ്രൂപ് മാനേജിങ് ഡയറക്ടര് പി.ബി. അബ്ദുല് ജബ്ബാർ പുരസ്കാരം ഏറ്റുവാങ്ങുന്നു
ദുബൈ: ഡിസ്പോസിബ്ള് ഫുഡ് പാക്കേജിങ് ഉല്പന്നങ്ങളുടെ മുന്നിര നിര്മാതാക്കളായ ഹോട്ട്പാക്ക് ഗ്ലോബല് ഗ്രൂപ് മാനേജിങ് ഡയറക്ടര് പി.ബി. അബ്ദുല് ജബ്ബാറിനെ 'സി.ഇ.ഒ ഫോര് ലൈഫ്' അവാര്ഡ് നല്കി ആദരിച്ചു. ഐക്യരാഷ്ട്ര സഭയുടെ സുസ്ഥിര വികസന ലക്ഷ്യങ്ങള് (എസ്.ഡി.ജി) കൈവരിക്കുന്നതിലെ മികവിനാണ് പുരസ്കാരം.
ഇത്തിഹാദ് ക്രെഡിറ്റ് ഇന്ഷുറന്സിന്റെ (ഇ.സി.ഐ) യു.എ.ഇ ആൻഡ് ഗ്ലോബല് അവാര്ഡ് സമർപ്പണ ചടങ്ങില് അദ്ദേഹം പുരസ്കാരം ഏറ്റുവാങ്ങി. സുസ്ഥിര മേഖലയിലെ പ്രയത്നങ്ങള്ക്കുള്ള ബഹുമതിയാണിതെന്നും പരിസ്ഥിതി സംരക്ഷിച്ച് ബിസിനസ് തുടരുന്ന തങ്ങളുടെ പ്രതിബന്ധതക്കുള്ള ഈ അംഗീകാരത്തിന് നന്ദി പറയുന്നുവെന്നും അബ്ദുൽ ജബ്ബാർ പറഞ്ഞു. ആരോഗ്യത്തിലും സുരക്ഷയിലും ശ്രദ്ധ കേന്ദ്രീകരിച്ച് പരിസ്ഥിതി സൗഹൃദ നടപടിക്രമങ്ങള് പിന്തുടരാന് ഈ അംഗീകാരം പ്രചോദനമാകുമെന്നും കൂട്ടിച്ചേര്ത്തു. കഴിഞ്ഞ വര്ഷം ലോക പരിസ്ഥിതി ദിനത്തില് പരിസ്ഥിതിയും സുസ്ഥിരതയും പ്രോത്സാഹിപ്പിക്കുന്നത് ലക്ഷ്യമിട്ട്, റീസൈക്കിള് ചെയ്യാവുന്ന ഉൽപന്നങ്ങള് വാഗ്ദാനം ചെയ്യുന്ന ഇക്കോ സ്റ്റോര് ഹോട്ട്പാക്ക് യു.എ.ഇയില് തുറന്നിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.