യു.എ.ഇ പ്രസിഡൻറ് ശൈഖ് മുഹമ്മദ് ബിൻ സായിദ് ആൽ നഹ്യാൻ
അബൂദബി: മുൻ യു.എസ് പ്രസിഡന്റ് ഡോണൾഡ് ട്രംപിന് നേരെയുണ്ടായ വധശ്രമത്തെ അപലപിച്ച് യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് ആൽ നഹ്യാൻ.
ഡോണൾഡ് ട്രംപിന് ഐക്യദാർഢ്യം അറിയിക്കുന്നതായും എല്ലാ രീതിയിലുമുള്ള അക്രമത്തെയും തീവ്രവാദത്തെയും യു.എ.ഇ അപലപിക്കുന്നതായും അദ്ദേഹം സമൂഹ മാധ്യമ പോസ്റ്റിലൂടെ പറഞ്ഞു. യു.എ.ഇ വിദേശകാര്യ മന്ത്രാലയവും ദാരുണമായ സംഭവത്തെ അപലപിച്ച് പ്രസ്താവന പുറപ്പെടുവിച്ചു.
പ്രസിഡന്റ് സ്ഥാനാർഥി ട്രംപിനോടും അദ്ദേഹത്തിന്റെ കുടുംബത്തോടും യു.എസിലെ സർക്കാറിനോടും ജനങ്ങളോടും ഐക്യദാർഢ്യം പ്രകടിപ്പിക്കുന്നതായും പൂർണവും വേഗത്തിലുള്ളതുമായ തിരിച്ചുവരവിന് ആശംസ അറിയിക്കുന്നതായും പ്രസ്താവനയിൽ പറഞ്ഞു.
ക്രിമിനൽ, തീവ്രവാദ പ്രവർത്തനങ്ങളെ ശക്തമായി അപലപിക്കുന്നതായും എല്ലാതരം അക്രമങ്ങളെയും യു.എ.ഇ തള്ളിക്കളയുന്നതായും മന്ത്രാലയം വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.