ശൈഖ്​ മുഹമ്മദ്​ 737 തടവുകാർക്ക്​ മോചനം നൽകി

ദു​ബൈ: ബ​ലി പെ​രു​ന്നാ​ളി​ന്​ മു​ന്നോ​ടി​യാ​യി യു.​എ.​ഇ ഭ​ര​ണാ​ധി​കാ​രി​ക​ൾ ത​ട​വു​കാ​ർ​ക്ക്​ മോ​ച​നം പ്ര​ഖ്യാ​പി​ച്ചു. യു.​എ.​ഇ പ്ര​സി​ഡ​ന്‍റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ 737 ത​ട​വു​കാ​രെ​യാ​ണ്​​ മോ​ചി​പ്പി​ക്കു​ന്ന​ത്. വി​വി​ധ കു​റ്റ​കൃ​ത്യ​ങ്ങ​ൾ​ക്ക്​ ജ​യി​ൽ ശി​ക്ഷ വി​ധി​ക്ക​പ്പെ​ട്ട​വ​രാ​ണ്​ മോ​ചി​ത​രാ​വു​ക.

ഇ​വ​ർ​ക്ക്​ പു​റ​ത്തി​റ​ങ്ങു​ന്ന​തി​ന്​ ആ​വ​ശ്യ​മാ​യ പി​ഴ ശൈ​ഖ്​ മു​ഹ​മ്മ​ദ്​ ഏ​റ്റെ​ടു​ത്തു. ക്ഷ​മ​യു​ടെ​യും സ​ഹി​ഷ്ണു​ത​യു​ടെ​യും മൂ​ല്യ​ങ്ങ​ളെ അ​ടി​സ്ഥാ​ന​മാ​ക്കി യു.​എ.​ഇ​യു​ടെ മാ​നു​ഷി​ക സം​രം​ഭ​ങ്ങ​ളു​ടെ ഭാ​ഗ​മാ​യാ​ണ്​ മാ​പ്പ്​ പ്ര​ഖ്യാ​പ​ന​മെ​ന്ന്​ പ്ര​സ്താ​വ​ന​യി​ൽ അ​റി​യി​ച്ചു. ത​ട​വു​കാ​രു​ടെ കു​ടും​ബ​ത്തി​ൽ സ​ന്തോ​ഷ​വും തെ​റ്റ്​​തി​രു​ത്തി മെ​ച്ച​പ്പെ​ട്ട ജീ​വി​തം തെ​ര​ഞ്ഞെ​ടു​ക്കാ​നു​ള്ള അ​വ​സ​ര​വും ഒ​രു​ക്കു​ക​യും മോ​ച​ന​ത്തി​ന്‍റെ ല​ക്ഷ്യ​മാ​ണ്.

സു​പ്രീം​കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ്​ സു​ൽ​ത്താ​ൻ ബി​ൻ മു​ഹ​മ്മ​ദ്​ അ​ൽ ഖാ​സി​മി 194പേ​ർ​ക്ക്​ മാ​പ്പു ന​ൽ​കി​യ​താ​യി അ​റി​യി​ച്ചു. ഷാ​ർ​ജ​യി​ലെ ജ​യി​ലു​ക​ളി​ൽ ക​ഴി​യു​ന്ന​വ​ർ​ക്കാ​ണ്​ ഈ ​ആ​നു​കൂ​ല്യം ല​ഭി​ക്കു​ക. ശൈ​ഖ്​ സു​ൽ​ത്താ​ന്‍റെ ന​ട​പ​ടി​യി​ൽ ഷാ​ർ​ജ പൊ​ലീ​സ് ക​മാ​ൻ​ഡ​ർ ഇ​ൻ ചീ​ഫ് മേ​ജ​ർ ജ​ന​റ​ൽ സൈ​ഫ്​ അ​ൽ സാ​രി അ​ൽ ശം​സി ന​ന്ദി അ​റി​യി​ച്ചു.

ബ​ലി പെ​രു​ന്നാ​ള്‍ മു​ന്‍ നി​ര്‍ത്തി യു.​എ.​ഇ സു​പ്രീം കൗ​ൺ​സി​ൽ അം​ഗ​വും അ​ജ്മാ​ൻ ഭ​ര​ണാ​ധി​കാ​രി​യു​മാ​യ ശൈ​ഖ് ഹു​മൈ​ദ് ബി​ൻ റാ​ഷി​ദ് അ​ൽ നു​ഐ​മി 93 ത​ട​വു​കാ​രെ മോ​ചി​പ്പി​ക്കാ​ൻ ഉ​ത്ത​ര​വി​റ​ക്കി. ശി​ക്ഷ കാ​ലാ​വ​ധി​യി​ല്‍ ന​ല്ല പെ​രു​മാ​റ്റം പ്ര​ക​ട​മാ​ക്കി​യ​വ​രെ​യാ​ണ് മോ​ചി​പ്പി​ക്കു​ന്ന​ത്.

ശി​ക്ഷ ക​ഴി​ഞ്ഞ് മോ​ചി​ത​രാ​യ ആ​ളു​ക​ൾ സ​മൂ​ഹ​ത്തി​ലേ​ക്കും പൊ​തു​ജീ​വി​ത​ത്തി​ലേ​ക്കും മ​ട​ങ്ങി​വ​രാ​നും ത​ട​വു​കാ​ർ അ​വ​രു​ടെ കു​ടും​ബ​ങ്ങ​ളി​ലേ​ക്ക് മ​ട​ങ്ങി​വ​രു​ന്ന​തി​ലൂ​ടെ ഈ​ദി​ന്റെ സ​ന്തോ​ഷം പൂ​ർ​ത്തി​യാ​കാ​നും ക​ഴി​യ​ട്ടെ​യെ​ന്ന് അ​ജ്മാ​ൻ ഭ​ര​ണാ​ധി​കാ​രി ആ​ശം​സി​ച്ചു.