റാസൽഖൈമ: യു.എ.ഇ സുപ്രീം കൗൺസിൽ അംഗവും, റാസൽ ഖൈമ ഭരണാധികാരിയുമായ ശൈഖ് സഊദ് ബിൻ സഖർ അൽ ഖാസിമിയുമായി യാക്കോബായ സഭയുടെ ഡൽഹി, യു.എ.ഇ മെത്രാപോലിത്താ കുറിയാക്കോസ് മോർ യൗസേബിയോസ് റാസൽ ഖൈമ പാലസിൽ കൂടിക്കാഴ്ച നടത്തി.
യാക്കോബായ സഭയുടെ പള്ളികൾക്ക് നൽകുന്ന എല്ലാ സഹായങ്ങൾക്കും മെത്രാപോലീത്ത നന്ദി അറിയിച്ചു. ഒക്ടോബർ 15ന് നടക്കുന്ന സെന്റ് ഗ്രിയോറിയോസ് ജേക്കബൈറ്റ് സിറിയൻ പള്ളിയുടെ ആഭിമുഖ്യത്തിൽ നടക്കുന്ന ഹാർവെസ്റ്റ് ഫെസ്റ്റിന് എല്ലാവിധ ആശംസയും ഭരണാധികാരി അറിയിച്ചു.
കൂടിക്കാഴ്ചയിൽ റാസൽ ഖൈമ സെന്റ് ഗ്രിയോറിയോസ് ജേക്കബൈറ്റ് സിറിയൻ പള്ളി വികാരിയും സോണൽ വൈസ് പ്രസിഡന്റുമായ ഫാ. സജി കാരാവള്ളിൽ, സോണൽ കൗൺസിൽ അംഗവും, പള്ളി സെക്രട്ടറിയുമായ സന്തോഷ് അലക്സാണ്ടർ, ജോ. ട്രസ്റ്റി ഷിജു കോയിക്കൽ എന്നിവർ അനുഗമിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.