ഈ ഉദ്യാനം പറയുന്നു; പാഴാക്കരുതൊന്നും

ഷാർജ: ഷാർജ-മലീഹ റോഡിൽ, കൽബ ദിശയിൽ അൽ സിയൂഹ് ഇൻറർചേ​ഞ്ച്​ കഴിഞ്ഞാൽ വലതുവശത്തായി ഉദ്യാനമുണ്ട്. ഷാർജ പൊലീസി​െൻറ മരുഭൂ ഉദ്യാനമാണിത്. പരന്ന് കിടക്കുന്ന അൽ ഫയാ മരുഭൂമിയുടെ വെൺ പൂഴിപ്പരപ്പിലെ ഈ ഉദ്യാനത്തിലേക്ക് ഇടക്ക് പുറത്തുനിന്നുള്ള സന്ദർശകരെ അനുവദിക്കാറുണ്ട്.

വേനൽ, ശൈത്യകാല ആഘോഷവേളകളിൽ ഉദ്യാനവാതിൽ സന്ദർശകർക്കായി തുറന്നിടും. 800 ചതുരശ്ര മീറ്റർ വിസ്​തീർണമുള്ള പാർക്ക് മരുഭൂമിയുടെ ഹൃദയഭാഗത്താണ്. ഗാഫ് മരങ്ങളുടെ കുളിരിലിരുന്ന് പാടുന്ന തുന്നാരം കിളികളും കുരുവികളും ഉദ്യാന സംഗീതമാണ്.

ശ്രദ്ധേയം പാഴ്വസ്​തു നിർമിതികളാണ്. ഉപകരണങ്ങൾ പൊതിയുന്ന മരക്കഷ​ണങ്ങളാൽ തീർത്ത അതിമനോഹരമായ പള്ളി കാണേണ്ടതാണ്. മിനാരങ്ങൾ മുതൽ പൂമുഖവാതിൽ വരെ ഇത്തരം മരങ്ങൾകൊണ്ടാണ്. പള്ളിക്കകത്തെ ഇരിപ്പിടങ്ങളും മേശയും അലമാരയും ഇങ്ങനെതന്നെ.

പള്ളിക്ക് ചുറ്റും തീർത്ത വേലിയും കവാടവും പറഞ്ഞുതരും പാഴാക്കികളയുന്ന ഓരോ വസ്​തുവിലുമുള്ള കമനീയത. ഉദ്യാനം ചുറ്റിയടിക്കാൻ തീർത്ത തീവണ്ടിയിലെ ഇരിപ്പിടങ്ങൾ വീപ്പകൾകൊണ്ടാണ്. മരച്ചോട്ടിലെ ​െബഞ്ചും ഭക്ഷണശാലയിലെ മേശയും കസേരയും പാഴ്വസ്​തുക്കളാലാണ്​ നിർമിച്ചത്​. മഞ്ഞുകാലത്ത് ഉദ്യാനത്തിലേക്ക് ദേശാടന പക്ഷികൾ വിരുന്നെത്താറുണ്ട്​.