ടയർ പൊട്ടിത്തെറിച്ച്​ അപകടം; ഒരു മരണം

ദുബൈ: ടയർ പൊട്ടിത്തെറിച്ച​ ട്രക്കും ബസും കൂട്ടിയിടിച്ചുണ്ടായ അപകടത്തിൽ ഒരാൾ മരിച്ചു. വ്യത്യസ്​ത അപകടങ്ങളിലായി കഴിഞ്ഞദിവസം ഏഴുപേർക്ക്​ പരിക്കേറ്റു. ചൊവ്വാഴ്​ച 1.45 ഓടെയാണ്​ എമി​േററ്റ്​സ്​ റോഡിൽ അപകടമുണ്ടായത്​. ട്രക്കി​െൻറ ടയർ പൊട്ടിത്തെറിച്ചതിനെ തുടർന്ന്​ പിറകെവന്ന ബസ്​ ഇതിൽ ഇടിക്കുകയായിരുന്നു. പരിക്കേറ്റവരിൽ ചിലരുടെ നില ഗുരുതരമാണെന്ന്​ പൊലീസ്​ വൃത്തങ്ങൾ അറിയിച്ചു.

രാത്രി റാസൽഖോർ റോഡിലും ടയർ പൊട്ടിത്തെറിച്ച്​ അപകടമുണ്ടായി. ഇതിൽ ഒരാൾക്ക്​ പരിക്കേറ്റു. മറ്റൊരു സംഭവത്തിൽ കാറും ബൈക്കും കൂട്ടിയിടിച്ച്​ ബൈക്ക്​ യാത്രികന്​ ഗുരുതര പരിക്കേറ്റു. വാഹനങ്ങൾ ഉപയോഗിക്കുന്നവർ ടയറുകൾ കൃത്യമായി പരിശോധിക്കണമെന്ന്​ ദുബൈ പൊലീസ്​ ട്രാഫിക്​ വിഭാഗം ഡയറക്​ടർ കേണൽ ജുമാ സലീം ബിൻ സുവൈദാൻ ആവശ്യപ്പെട്ടു. കൂടിയ താപനിലയാണ്​ ടയറുകൾ പൊട്ടിത്തെറിക്കാൻ കാരണമാകുന്നതെന്നും അദ്ദേഹം പറഞ്ഞു.